ଭୁବନେଶ୍ୱର,୨୨/୧୧: ବାୟୁ ପ୍ରଦୂଷଣ ନେଇ ଜନସାଧାରଣ ସଚେତନ ହୁଅନ୍ତୁ । ଶିକ୍ଷା ଓ ଅନୁସନ୍ଧାନ (ସୋଆ) ଦ୍ୱାରା ପରିଚାଳିତ ଇନ୍ଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ ସମ୍ ହସ୍ପିଟାଲ୍ରେ ପଲମ୍ୟୁନାରୀ ମେଡିସନ୍ ବିଭାଗ ପକ୍ଷରୁ କ୍ରନିକ୍ ଅବଷ୍ଟ୍ରକ୍ଟିଭ୍ ପଲ୍ମ୍ୟୁନାରୀ ଡିଜିଜ୍ (ସିଓପିଡି) ଦିବସ ପାଳନ ଅବସରରେ ଏହି ମତ ପ୍ରକାଶ ପାଇଛି । ଚଳିତ ବର୍ଷର ବିଷୟବସ୍ତୁ ରହିଛି ‘ନୋ ୟୋର୍ ଲଙ୍ଗ୍ସ ଫଙ୍କସନ୍' ଅର୍ଥାତ୍ ନିଜ ଫୁସ୍ଫୁସ୍ର କାର୍ଯ୍ୟକାରୀତା ବିଷୟରେ ଜାଣନ୍ତୁ ।
ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲର ସୁପରିଣ୍ଟେଣ୍ଡେଣ୍ଟ ପ୍ରଫେସର ଡା. ପୁଷ୍ପରାଜ ସାମନ୍ତସିଂହାର ମୁଖ୍ୟ ଅତିଥି ଭାବେ ଯୋଗ ଦେଇ କହିଲେ, ସିଓପିଡି ହେଉଛି ଏକ ଫୁସ୍ଫୁସ୍ ଜନିତ ରୋଗ । ଏହା ମୁଖ୍ୟତଃ ବାୟୁ ପ୍ରଦୂଷଣ ଦ୍ୱାରା ହୋଇଥାଏ । ସମ୍ମାନିତ ଅତିଥି ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ ପଲ୍ମ୍ୟୁନାରୀ ମେଡିସିନ୍ ବିଭାଗ ମୁଖ୍ୟ ପ୍ରଫେସର ଡା. ବନାନୀ ଜେନା କହିଲେ, ଭାରତରେ ୩୭.୮ ନିୟୁତ ଲୋକ ସିଓପିଡିରେ ଆକ୍ରାନ୍ତ । ପ୍ରତିଦିନ ବ୍ୟାୟାମ ଓ ସ୍ୱାସ୍ଥ୍ୟକର ଖାଦ୍ୟ ଗ୍ରହଣ ଫଳରେ ରୋଗରୁ ମୁକ୍ତି ମିଳିପାରିବ । ଏହି ଅବସରରେ ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ ଇନ୍ଚାର୍ଜ ଡିନ୍ ପ୍ରଫେସର ଡା. ସୌମ୍ୟ ରଞ୍ଜନ ଦାସ, ପଲମ୍ୟୁନାରୀ ମେଡିସିନ୍ ବିଭାଗ ପ୍ରଫେସର ଡା. ରାକ୍ଷୀ ଲୁଦାମ୍, ନର୍ସିଂ ସୁପରିଣ୍ଟେଣ୍ଡେଣ୍ଟ ମିନତି ମିଶ୍ର, ପଲମ୍ୟୁନାରୀ ମେଡିସିନ୍ ବିଭାଗ ପ୍ରଫେସର, ଡାକ୍ତର, ନର୍ସ ଓ ପାରାମେଡିକ୍ ଷ୍ଟାଫ୍ ଉପସ୍ଥିତ ଥିଲେ ।
