ନୂଆଦିଲ୍ଲୀ,୧୪/୦୬: ବିସିସିଆଇକୁ ବଡ଼ ଝଟକା ଲାଗିଛି । ଆଇସିସି ଆଗରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ ଭାରତରେ ବିଶ୍ୱ ଟେଷ୍ଟ ଚାମ୍ପିଅନସିପ୍ ଆୟୋଜନ କରିବାକୁ ପ୍ରସ୍ତାବ ଦେଇଥିଲା । ହେଲେ ବିସିସିଆଇକୁ ଏ ନେଇ ଅନୁମତି ମିଳିବାକୁ ଆହୁରି ସମୟ ଅଛି । ଆସନ୍ତା ୬ ବର୍ଷ ଯାଏ ଭାରତକୁ ଡବ୍ଲୁଟିସି ଫାଇନାଲ ଆୟୋଜନ ମିଳିବନି । ଏ ନେଇ ଆହୁରି ୮ ବର୍ଷ ଅପେକ୍ଷା କରିବାକୁ ପଡିବ । ଭାରତକୁ ବିଶ୍ୱ ଟେଷ୍ଟ ଚାମ୍ପିଅନସିପ୍ ସ୍ୱପ୍ନ ପୂରଣ କରିବାକୁ ଆଉ କିଛି ବର୍ଷ ଅପେକ୍ଷା କରିବାକୁ ପଡିବ । ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ ଆସନ୍ତା ୩ ଡବ୍ଲ୍ୟୁଟିସି ଫାଇନାଲ ଇଂଲଣ୍ଡ ହୋଷ୍ଟ କରିବ । ବିସିସିଆଇ ରଖିଥିବା ଅନୁରୋଧକୁ ଅନୁମତି ମିଳିନାହିଁ ।

ବିସିସିଆଇକୁ ଝଟକା- ବିଶ୍ୱ ଟେଷ୍ଟ ଚାମ୍ପିଅନସିପ୍ ୨୦୨୯-୩୧ ସିଜିନ୍ ପାୱାର ଯଦି ଇଂଲଣ୍ଡ ପାଖରେ ରୁହେ ତେବେ ଭାରତକୁ ଆୟୋଜନ ପାଇଁ ପ୍ରାୟ ୮ ବର୍ଷ ଅପେକ୍ଷା କରିବାକୁ ପଡିବ । ଜୁଲାଇରେ ସିଙ୍ଗାପୁରରେ ହେବାକୁ ଥିବା ଆଇସିସି ବୈଠକରେ ଏହା ଘୋଷଣା କରାଯାଇପାରେ କି ଆସନ୍ତା ୩ ଡବ୍ଲ୍ୟୁଟିସି ଫାଇନାଲ ଇଂଲଣ୍ଡ ହିଁ ହୋଷ୍ଟ କରିବ ।

ଇଂଲଣ୍ଡ ହାତରେ WTC ପାୱାର- ବିଶ୍ୱ ଟେଷ୍ଟ ଚାମ୍ପିଅନସିପ୍‌ର ପ୍ରଥମ ଫାଇନାଲ ୨୦୨୧ରେ ହୋଇଥିଲା । ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ସାଉତକେପ୍ଟନରେ ଖେଳାଯାଇଥିଲା । ଦ୍ବିତୀୟ ଡବ୍ଲ୍ୟୁଟିସି ଫାଇନାଲ ୨୦୨୩ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଓଭାଲରେ ଖେଳାଯାଇଥିଲା । ତୃତୀୟ ଫାଇନାଲ ଅଷ୍ଟ୍ରେଲିଆ ଓ ଦକ୍ଷିଣ ଅଫ୍ରିକା ମଧ୍ୟରେ ଲର୍ଡ୍ସରେ ଖେଳାଯାଉଛି ।