ବୌଦ୍ଧ,୦୪/୧୦: ଗୁଦଗୁଦା ଢ଼ାବା ନିକଟରେ ଯୁବକଙ୍କୁ ସଂଘବଦ୍ଧ ଭାବେ ଛୁରା ମାଡ । ଦୁର୍ଘଟଣାରେ ପ୍ରାଣ ହରାଇଲେ ଯୁବକ । ମୃତକ ଡ଼ିମିରିପାଲି ଗ୍ରାମର ସୁବ୍ରତ କୁମାର ସେଠି ବୋଲି ଜଣାପଡ଼ିଛି । ବୌଦ୍ଧ ଜିଲ୍ଲା ମନମୁଣ୍ଡା ଥାନା ଅନ୍ତର୍ଗତ ଜମଟାଙ୍ଗୀ ଗ୍ରାମରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଗୁରୁବାର ବିଳମ୍ୱିତ ରାତିରେ ଜମଟାଙ୍ଗୀ ଗ୍ରାମରେ ବିଶ୍ୱ ଦରବାର ନାଟକ ଦେଖିବାକୁ ଯାଇଥିଲେ ସୁବ୍ରତ । ସେଠାରେ କୌଣସି କାରଣରୁ ଅନ୍ୟ ଯୁବକ ମାନଙ୍କ ସହିତ ବଚସା ହୋଇଥିଲା । ପରେ ଯୁବକମାନେ ଉତ୍ୟକ୍ତ ହୋଇ ସୁବ୍ରତଙ୍କୁ ଛୁରା ମାଡ଼ କରି ଘଟଣାସ୍ଥଳରୁ ଫେରାର ହୋଇଥିଲେ । ଫଳରେ ଘଟଣାସ୍ଥଳରେ ହିଁ ପ୍ରାଣ ହରାଇଥିଲେ ସୁବ୍ରତ । ଏହା ଦେଖି ତୁରନ୍ତ ମନମୁଣ୍ଡା ପୋଲିସକୁ ଖବର ଦେଇଥିଲେ ସ୍ଥାନୀୟଲୋକେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଯୁବକଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ଚଳାଇଛି ପୋଲିସ ।
