କଳାହାଣ୍ଡି,୧୫।୨ : ବାଇକ୍ ଉପରେ ମାଡିଗଲା ଟ୍ରକ। ଘଟଣା ସ୍ଥଳରେ ଯୁବକ ମୃତ l କେସିଙ୍ଗା ଟ୍ରାଫିକ ଛକ ନିକଟରେ ଘଟିଛି ଦୁର୍ଘଟଣା। ମୃତ ଯୁବକ କେସିଙ୍ଗା ଗହନ୍ତିଆ ପଡାର ମୁକେଶ ସାହୁ l ଘଟଣା ପରେ ଉତ୍ତ୍ୟକ୍ତ ଲୋକ ରାସ୍ତାରୋକ କରି କ୍ଷତିପୂରଣ ଦାବି କରିଛନ୍ତି। 

କେସିଙ୍ଗା ଗହନ୍ତିଆ ପଡାର ମୁକେଶ ସାହୁ ଟ୍ରାଫିକ ଛକ ନିକଟରେ ରାସ୍ତା ପାର ହେବା ପାଇଁ ଅଟକି ରହିଥିଲେ। ଏହି ସମୟରେ  ପଛ ପଟୁ ଗୋଟିଏ ଟ୍ରକ ଆସି ତାଙ୍କ ଉପରେ ମାଡ଼ିଯାଇଥିଲା । ଫଳରେ ଘଟଣା ସ୍ଥଳରେ ମୁକେଶଙ୍କ ମୃତ୍ୟୁ ହୋଇଥିଲା। ଦୁର୍ଘଟଣା ଘଟାଇବା ପରେ ଡ୍ରାଇଭର ଟ୍ରକକୁ ଧରି ଥାନାରେ ଆତ୍ମସମର୍ପଣ କରିଛି l ମୃତକଙ୍କ ପରିବାର ଲୋକେ କ୍ଷତିପୂରଣ ଦାବୀରେ୨୬ ନଂ ଜାତୀୟ ରାଜପଥକୁ ଅବରୋଧ କରିଛନ୍ତି। ଫଳରେ ରାସ୍ତାର ଦୁଇ ପାର୍ଶ୍ଵରେ ଶହ ଶହ ଗାଡି ଠିଆ ହୋଇ ରହିଛି। ଖବର ପାଇଁ କେସିଙ୍ଗା ପୋଲିସ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ସହିତ ଘଟଣାର  ତଦନ୍ତ କରୁଛି।