ମାଲକାନଗିରି /ପଡିଆ, ୨୩/୫ : ମାଲକାନଗିରି ଜିଲ୍ଲା ସୀମାବର୍ତ୍ତୀ ପଡ଼ିଆ ବ୍ଲକ ମାଟେରୁ ପଞ୍ଚାୟତ ଅନ୍ତର୍ଗତ ପରସନପଲ୍ଲୀ ଗ୍ରାମର ଜଣେ ଯୁବକଙ୍କ ସାପ କାମୁଡ଼ାରେ ମୃତ୍ୟୁ ହୋଇଥିବା ଜଣାପଡିଛି । ସୂଚନା ମୁତାବକ ପରସନପଲ୍ଲୀ ଗ୍ରାମର ୪୫ବର୍ଷିୟ ଭୀମା ମାଡ଼ି ନାମକ ଜଣେ ବ୍ୟକ୍ତି ଗତକାଲି ରାତିରେ ଖାଇ ସାରି ଶୋଇଥିଲେ। ରାତ୍ରି ପ୍ରାୟ ୧୦ଟା ପର୍ଯ୍ୟନ୍ତ ଭୀମାର ସ୍ତ୍ରୀ ସୁକି ଭୀମା ସହ କଥା ହୋଇଥିବା କହିଛନ୍ତି ।
ତେବେ ସକାଳ ପ୍ରାୟ ୬ ଟା ସମୟରେ ସୁକି ନିଦରୁ ଉଠି ଭୀମା ଶୋଇଥିବା ରୁମକୁ ଯାଇ ନିଦରୁ ଉଠାଇଥିଲେ । ଏହି ସମୟରେ ଭୀମା ନ ଶୁଣିବାରୁ ସୁକି ଆଖପାଖ ଲୋକଙ୍କୁ ଡାକି ଭୀମାର ସ୍ୱାସ୍ଥ୍ୟବସ୍ଥା ବାବଦରେ କହିଥିଲେ। ସ୍ଥାନୀୟ ଲୋକଙ୍କ ମଧ୍ୟରୁ ଜଣେ ଭୀମାର ମୁହଁରେ ଲାଗିଥିବା ଫେଣ ଓ ବାମ ଗୋଡର ପାଦରେ ଥିବା କ୍ଷତ ଚିହ୍ନ ଦେଖି ଭୀମାକୁ ସାପ କାମୁଡିଥିବା ଜାଣିପାରି ଥିଲେ । ଏ ନେଇ ସୁକି ପଡିଆ ଥାନାରେ ଲିଖିତ ଅଭିଯୋଗ କରିବାରୁ ପଡିଆ ପୋଲିସ ପକ୍ଷରୁ ଭୀମାର ମୃତଦେହ ବ୍ୟବଚ୍ଛେଦ କରିଥିଲେ ।
ଏହାପରେ ମୃତ ଦେହକୁ ଜବତ କରି କାଲିମେଳାରେ ବ୍ୟବଚ୍ଛେଦ କରାଇବା ପରେ ପୁଣି ପରିବାର ଲୋକଙ୍କୁ ହସ୍ତାନ୍ତର କରିଥିଲେ। ଏ ନେଇ ପଡ଼ିଆ ଥାନାରେ ଏକ ଅପମୃତ୍ୟୁ ମାମଲା କେଶ ନଂ ୧୩/୨୫ରେ ରୁଜୁ କରାଯାଇ ଘଟଣାର ତଦନ୍ତ ଜାରି ରହିଥିବା ପୋଲିସ ପକ୍ଷରୁ ସୂଚନା ମିଳିଛି। ଅନ୍ୟପଟେ ଭୀମାର ମୃତ୍ୟୁ ପରେ ପୁରା ପରିବାର ବୋଝ ସୁକି ଉପରେ ରହିଥିବାବେଳେ ପୁରା ପରିବାର ଲୋକ ଭାଙ୍ଗି ପଡ଼ିଥିବା ଦେଖିବାକୁ ମିଳୁଛି । ଏଣୁ ସରକାରଙ୍କ ପକ୍ଷରୁ ସୁକିକୁ ତୁରନ୍ତ ସହାୟତା ପ୍ରଦାନ କରିବାକୁ ଦାବି ହୋଇଛି।
