ମୋରଡ଼ା, ୨୧/୦୪ : ଅଜଣା ଗାଡି ଧକ୍କାରେ ଯୁବକ ମୃତ। ମୟୂରଭଞ୍ଜ ଜିଲ୍ଲା ମୋରଡ଼ା ଥାନା ଚିତ୍ରଡା ଫାଣ୍ଡି ଅଞ୍ଚଳରେ ଏହି ଦୁର୍ଘଟଣା ଘଟିଛି। ମୃତକ ଜଣକ ହେଲେ ଚିତ୍ରଡା ପଞ୍ଚାୟତ ଧଡ଼ାସାହି ଗ୍ରାମର ଗଣେଶ୍ୱର ଟୁଡୁ।

ସୂଚନାନୁଯାୟୀ, ଗଣେଶ୍ୱର ସୋମବାର ଭୋର ଚାରିଟାରୁ ରାସଗୋବିନ୍ଦପୁର ସ୍ଥିତ ଏକ ଇଟାଭାଟିକୁ କାମ କରିବାକୁ ଘରୁ ବାହାରି ଥିଲେ। ସ୍ଥାନୀୟ କଲଣି ଛକ ନିକଟରେ ଏକ ଅଜଣା ଗାଡି ଗଣେଶ୍ୱରଙ୍କୁ ଧକ୍କା ଦେଇ ପାଖାପାଖି ୧୦୦ ମିଟର ଦୂରକୁ ଘୋଷାଡ଼ି ନେଇ ଘଟଣାସ୍ଥଳରୁ ଚମ୍ପଟ ମାରିଥିଲା। ଘଟଣାସ୍ଥଳରେ ହିଁ ଗଣେଶ୍ୱରଙ୍କ ମୃତ୍ୟ ଘଟିଥିଲା। ଏନେଇ ସୂଚନା ପାଇ ଚିତ୍ରଡା ଫାଣ୍ଡି ଅଧିକାରୀ ନିରଞ୍ଜନ ସୋରେନ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ବାରିପଦା ପଠାଇ ତଦନ୍ତ ଜାରି ରଖିଛନ୍ତି।

ଏହି ଖବରଟିକୁ ପଢନ୍ତୁ-ଏହି ଦିନ ପଡ଼ୁଛି ବରୁଥିନୀ ଏକାଦଶୀ ବ୍ରତ, ଜାଣନ୍ତୁ ସୁଖ ସମୃଦ୍ଧିର ଉପାୟ...