ନୂଆଦିଲ୍ଲୀ - ଖ୍ରୀଷ୍ଟମାସ ଅବସରରେ ଅଜବ ଇଚ୍ଛା ପ୍ରକାଶ କଲେ ୟୁକ୍ରେନୀୟ ରାଷ୍ଟ୍ରପତି। ଭୋଲୋଡିମିର ଜେଲେନସ୍କି ତାଙ୍କ ଦେଶବାସୀଙ୍କ ପାଇଁ ଏକ ବାର୍ତ୍ତା ଜାରି କରିଛନ୍ତି। ଭିଡିଓ ବାର୍ତ୍ତାରେ,ଜେଲେନସ୍କି ଯୁଦ୍ଧର ଶିକାର ହେଉଥିବା ତାଙ୍କ ଲୋକଙ୍କୁ ଉତ୍ସାହିତ କରିଛନ୍ତି। ୟୁକ୍ରେନୀୟ ଲୋକଙ୍କୁ ଖ୍ରୀଷ୍ଟମାସର ଶୁଭକାମନା ଜଣାଇବା ସହ,ୟୁକ୍ରେନୀୟ ରାଷ୍ଟ୍ରପତି ଲୋକଙ୍କୁ ଏକତା ରହିବାକୁ ମଧ୍ୟ ନିବେଦନ କରିଛନ୍ତି। ତଥାପି,ୟୁକ୍ରେନୀୟ ରାଷ୍ଟ୍ରପତିଙ୍କ ଏହି ବାର୍ତ୍ତା ଅନ୍ୟ କୌଣସି କାରଣ ପାଇଁ ଖବରରେ ଅଛନ୍ତି। ଏହି ବାର୍ତ୍ତାରେ,ଜେଲେନସ୍କି ସାଣ୍ଟା କ୍ଲଜ୍ ଠାରୁ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମୃତ୍ୟୁ ମାଗିଥିବା କୁହାଯାଉଛି।
ଏହାସହ ମଧ୍ୟ ପଢନ୍ତୁ - ରୁଷ୍ ବିରୋଧରେ ଅଭିଯୋଗ କଲେ ଜେଲେନସ୍କି , କହିଲେ - ବିନା ବିଦ୍ୟୁତ୍ ଓ ପାଣିରେ ଜୀବନ ବିତାଉଛନ୍ତି ୟୁକ୍ରେନର ଲକ୍ଷ ଲକ୍ଷ ଲୋକ
ଖ୍ରୀଷ୍ଟମାସର ପୂର୍ବ ସନ୍ଧ୍ୟାରେ ସୋସିଆଲ ମିଡ଼ିଆରେ ପୋଷ୍ଟ କରାଯାଇ ଥିବା ଏକ ଭିଡ଼ିଓରେ ୟୁକ୍ରେନୀ ରାଷ୍ଟ୍ରପତି କହିଛନ୍ତି,ରୁଷ୍ ଆମକୁ ଅନେକ ଯନ୍ତ୍ରଣା ଦେଇଛି। କିନ୍ତୁ ସେ ସେହି ଜିନିଷ ଉପରେ କବଜା କରିବା କିମ୍ବା ବୋମା ପକାଇବାକୁ ସକ୍ଷମ ନୁହେଁ,ଯାହା ସବୁଠୁ ଗୁରୁତ୍ତ୍ୱପୂର୍ଣ୍ଣ। ସେ ଆମର ୟୁକ୍ରେନୀୟ ହୃଦୟ,ପରସ୍ପର ପ୍ରତି ଆମର ବିଶ୍ୱାସ ଏବଂ ଆମର ଏକତା।
ପୁଟିନଙ୍କ ନାମ ନନେଇ ଜେଲେନସ୍କି କହିଥିଲେ,ଆଜି,ଆମେ ସମସ୍ତେ ସମାନ ସ୍ୱପ୍ନ ଦେଖୁଛୁ ଏବଂ ଆମ ସମସ୍ତଙ୍କର ସମାନ ଇଚ୍ଛା ଅଛି।'ତାଙ୍କର ବିନାଶ ହେଉ'...ଆମ ମଧ୍ୟରୁ ପ୍ରତ୍ୟେକେ ନିଜ ମନରେ ଏମିତି ଭାବି ପାରନ୍ତି। କିନ୍ତୁ ଯେତେବେଳେ ଆମେ ଈଶ୍ବରଙ୍କ ପାଖକୁ ଯାଉ,ନିଶ୍ଚିତ ଭାବରେ,ଆମେ କିଛି ବଡ଼ ପ୍ରାର୍ଥନା କରୁ। ଆମେ ୟୁକ୍ରେନ ପାଇଁ ଶାନ୍ତି ମାଗୁ। ଆମେ ଏଥି ପାଇଁ ଲଢ଼ୁ,ଆମେ ଏଥିପାଇଁ ପ୍ରାର୍ଥନା କରୁ,ଆମେ ଏହାର ଯୋଗ୍ୟ।
ଏହାସହ ମଧ୍ୟ ପଢନ୍ତୁ : ଟ୍ରମ୍ପ ଓ ପୁଟିନଙ୍କୁ ନେଇ ୟୁକ୍ରେନ ଛାନିଆଁ ! ୩୦ ଦେଶ ସହ ଜେଲେନସ୍କିଙ୍କ ଗୁରୁତ୍ତ୍ୱପୂର୍ଣ୍ଣ ମିଟିଂ
ଏହା ପୂର୍ବରୁ,ୟୁକ୍ରେନୀ ରାଷ୍ଟ୍ରପତି ସାମ୍ବାଦିକଙ୍କ ସହ ଏକ ବ୍ରିଫିଂରେ ଆମେରିକା ସହିତ ମିଶି ପ୍ରସ୍ତୁତ କରାଯାଇ ଥିବା ୨୦-ସୂତ୍ରୀୟ ଯୋଜନାର ବିବରଣୀ ମଧ୍ୟ ଦେଇଥିଲେ। ସେ କହିଥିଲେ ଯେ,ୟୁକ୍ରେନ ଯୁଦ୍ଧ ସମାପ୍ତ କରିବା ଯୋଜନା ଅନୁସାରେ ଦେଶର ପୂର୍ବ ଅଞ୍ଚଳରୁ ସେନା ପ୍ରତ୍ୟାହାର କରିବ। ହେଲେ,ସେ ଆହୁରି ମଧ୍ୟ କହିଥିଲେ ଯେ ଏହା ସେତେବେଳେ ସମ୍ଭବ ହେବ,ଯେବେ ରୁଷ ମଧ୍ୟ ପଛକୁ ହଟିବ।
