ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ ଶ୍ରମିକଙ୍କୁ କେନ୍ଦ୍ର ସରକାରଙ୍କ ବଡ଼ ଉପହାର । ମହାତ୍ମା ଗାନ୍ଧୀ ଗ୍ରାମୀଣ ନିଶ୍ଚିତ କର୍ମ ନିଯୁକ୍ତି ଯୋଜନା (ମନରେଗା)ରେ କାର୍ଯ୍ୟ କରୁଥିବା ଶ୍ରମିକଙ୍କ ମଜୁରୀ ବଢ଼ାଇଛନ୍ତି ସରକାର । ଓଡିଶା ସମେତ ଅନେକ ରାଜ୍ୟରେ ଶ୍ରମିକଙ୍କ ମଜୁରୀ ବୃଦ୍ଧି ପାଇଛି । ମଜୁରୀ ହାରକୁ ୩ରୁ ୧୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି କରାଯାଇଛି ।
କେନ୍ଦ୍ରୀୟ ବିକାଶ ଗ୍ରାମୀଣ ମନ୍ତ୍ରାଳୟ ପକ୍ଷରୁ ଏହାକୁ ବୃଦ୍ଧି କରାଯାଇଛି । ଲୋକସଭା ନିର୍ବାଚନ ପୂର୍ବରୁ ମଜୁରୀ ହାର ୨୦୨୪-୨୫ ଆର୍ଥିକ ବର୍ଷ ପାଇଁ ବୃଦ୍ଧି କରାଯାଇଛି । MGNREGA କର୍ମଚାରୀଙ୍କ ପାଇଁ ନୂତନ ମଜୁରୀ ହାର ଆସନ୍ତା ଏପ୍ରିଲ ୧ ତାରିଖରୁ ଲାଗୁ ହେବ । ଏଣକି ଓଡିଶାରେ ୨୫୪ ଟଙ୍କା ପାଇବେ ମନରେଗା ଶ୍ରମିକ ।
The Centre notifies the latest revision in MGNREGA wages pic.twitter.com/gcq2mrFWn7
— ANI (@ANI) March 28, 2024
ସଂପୂର୍ଣ୍ଣ ତାଲିକା ଉପରେ ନଜର ପକାଇଲେ ଗୋଆରେ ସର୍ବାଧିକ ମଜୁରୀ ବୃଦ୍ଧି ହୋଇଛି । ଏଠାରେ ମନରେଗା ଶ୍ରମିକଙ୍କୁ ୩୫୬ ଟଙ୍କା ମଜୁରୀ ମିଳିବ । ସେହିଭଳି ସିକ୍କିମର ୩ଟି ପଞ୍ଚାୟତରେ ଏହି ମଜୁରି ସବୁଠୁ ଅଧିକ ୩୭୪ ଟଙ୍କା ଧାର୍ଯ୍ୟ କରାଯାଇଛି । ସେହିପରି ଅରୁଣାଚଳ ପ୍ରଦେଶ ଏବଂ ନାଗାଲାଣ୍ଡରେ ସର୍ବନିମ୍ନ ମଜୁରୀ ରହିଛି । ଏଠାରେ ୨୩୪ ଟଙ୍କା ଲେଖାଏଁ ପାଇବେ ଶ୍ରମିକ ।
