ଭୁବନେଶ୍ୱର, ୨୮/୦୩: ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି । ବିଭିନ୍ନ ସ୍ଥାନରେ ପାରଦ ଉପରମୁହାଁ ହୋଇଛି । ଗୁରୁବାର ରାଜ୍ୟକ ୫ ସହରରେ ପାରଦ ୩୯ ଡିଗ୍ରୀ ଉପରେ ରହିଥିବା ବେଳେ ୧୬ ସହରରେ ୩୮ ଡିଗ୍ରୀ ଡେଇଁଛି । ଗଜପତି ଜିଲ୍ଲାର ପାରଳାଖେମୁଣ୍ଡିରେ ରାଜ୍ୟର ସର୍ବୋଚ୍ଚ ଦିନ ତାପମାତ୍ରା ୩୯.୮ ଡିଗ୍ରୀ ରେକର୍ଡ କରାଯାଇଛି । ବୌଦ୍ଧରେ ୩୯.୫ ଡିଗ୍ରୀ, ନୟାଗଡ଼ ୩୯.୨ ଡିଗ୍ରୀ, ଟିଟଲାଗଡ଼ ୩୯.୨ ଡିଗ୍ରୀ ଏବଂ ଭବାନୀପାଟଣାରେ ୩୯ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି ।
ଆଜି ରାଜ୍ୟର #୧୩ସହର ରେ ତାପମାତ୍ରା #୩୮ଡ଼ିଗ୍ରୀ ଅତିକ୍ରମ କରିଥିବା ବେଳେ ଆଗାମୀ #୨ଦିନ ମଧ୍ୟରେ କିଛି ଆଭ୍ୟନ୍ତରୀଣ ଓଡ଼ିଶାର ଜିଲ୍ଲାରେ ଦିନ ତାପମାତ୍ରା #୪୦ଡ଼ିଗ୍ରୀ ଛୁଇଁବା ସମ୍ଭାବନା #ଭୁବନେଶ୍ୱର ୩୭.୩ ଡ଼ିଗ୍ରୀ ଏବଂ #କଟକ ୩୮.୪ ଡ଼ିଗ୍ରୀ pic.twitter.com/u8AfnVpqh1
— Meteorological Centre, Bhubaneswar (@mcbbsr) March 28, 2024
କଟକର ସର୍ବୋଚ୍ଚ ଦିନ ତାପମାତ୍ରା ୩୮.୪ ଡିଗ୍ରୀ ରହିଥିବା ବେଳେ ରାୟଗଡ଼ା ୩୮.୬ ଡିଗ୍ରୀ, ମାଲକାନଗିରି ୩୮.୨ ଡିଗ୍ରୀ, ଫୁଲବାଣୀରେ ୩୮.୯ ଡିଗ୍ରୀ, ବଲାଙ୍ଗିର ୩୮.୯ ଡିଗ୍ରୀ, ତାଳଚେର ୩୮.୬ ଡିଗ୍ରୀ, ଝାରସୁଗୁଡ଼ା ୩୮.୩ ଡିଗ୍ରୀ, ଭୁବନେଶ୍ୱର ୩୭.୩ ଡିଗ୍ରୀ ରେକର୍ଡ ହୋଇଛି ।
ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ଭୁବନେଶ୍ୱରର ପୂର୍ବାନୁମାନ ଅନୁସାରେ, ଆଗାମୀ ୨ ଦିନ ପର୍ଯ୍ୟନ୍ତ ସର୍ବାଧିକ ଦିନ ତାପମାତ୍ରା ୨ରୁ ୩ ଡିଗ୍ରୀ ପର୍ଯ୍ୟନ୍ତ ବୃଦ୍ଧି ପାଇବ । ସେହିଭଳି ରାତି ତାପମାତ୍ରା ମଧ୍ୟ ଆଗାମୀ ୩ ଦିନ ପର୍ଯ୍ୟନ୍ତ ୨ରୁ ୩ ଡିଗ୍ରୀ ବଢ଼ିବ । ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଭଦ୍ରକ, ବାଲେଶ୍ୱର, ଯାଜପୁର, ଢେଙ୍କାନାଳ, ମୟୂରଭଞ୍ଜ ଆଦି ଜିଲ୍ଲାରେ ଘଡ଼ଘଡ଼ି ସହ ବର୍ଷା ଆଶଙ୍କା ରହିଛି ।