ନୂଆଦିଲ୍ଲୀ,୧୭।୬: ଇସ୍ରାଏଲର ଗୁଇନ୍ଦା ସଂସ୍ଥା ‘ମୋସାଦ’ର ମୁଖ୍ୟାଳୟ ଉପରେ ଇରାନ ଆକ୍ରମଣ କରିଥିବା ଜଣାପଡ଼ିଛି। ଏହି ଆକ୍ରମଣ ଏପରି ଏକ ସମୟରେ ହୋଇଛି ଯେତେବେଳେ ଦୁଇ ଦେଶ ମଧ୍ୟରେ ଚାଲିଥିବା ବିବାଦର ସ୍ଥିତି କ୍ରମାଗତ ଭାବରେ ଖରାପ ହେଉଛି। ଏପର୍ଯ୍ୟନ୍ତ, ଇରାନରେ ଏହି ଯୁଦ୍ଧରେ ୨୦୦ ରୁ ଅଧିକ ଲୋକ ପ୍ରାଣ ହରାଇଥିବା ବେଳେ ଇସ୍ରାଏଲରେ ପ୍ରାୟ ୨୦ ରୁ ୩୦ ଜଣ  ପ୍ରାଣ ହରାଇଛନ୍ତି। ତେହେରାନର ସରକାରୀ ଗଣମାଧ୍ୟମ ଏହି ସୂଚନା ଦେଇଛି।

BREAKING:

Iran strikes Israeli intelligence agency Mossad's HQ. pic.twitter.com/7KxhG4fbhq

— Globe Eye News (@GlobeEyeNews) June 17, 2025

ପ୍ରେସ୍ ଟିଭି ରିପୋର୍ଟ ଅନୁଯାୟୀ, ଇରାନର ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ (IRGC) କହିଛି ଯେ ମଙ୍ଗଳବାର ଦିନ ସଂଘର୍ଷ ସମୟରେ କଥିତ ମୋସାଦ ପ୍ରତିଷ୍ଠାନକୁ ଟାର୍ଗେଟ କରିଥିଲା। ଇସ୍ରାଏଲୀ ସେନା ଆକ୍ରମଣକୁ ହାଲୁକା କରିବାକୁ ଚେଷ୍ଟା କରି କହିଛି ଯେ କ୍ଷେପଣାସ୍ତ୍ରଗୁଡ଼ିକ ଏକ ବସ୍ ପାର୍କିଂ ଅଞ୍ଚଳକୁ କ୍ଷତିଗ୍ରସ୍ତ କରିଛି। ତଥାପି, ପ୍ରେସ୍ ଟିଭି ରିପୋର୍ଟ ଅନୁଯାୟୀ, ଏହି ଆକ୍ରମଣ ଇସ୍ରାଏଲୀ ବଡ଼ ସ୍ଥାନଗୁଡ଼ିକୁ ଟାର୍ଗେଟ କରିଥିଲା, ଯେଉଁଥିରେ ଆମ୍ମୋନ୍ ଲଜିଷ୍ଟିକ୍ସ ସେଣ୍ଟର ଏବଂ ହର୍ଜଲିଆରେ ମୋସାଦ ମୁଖ୍ୟାଳୟ ଅନ୍ତର୍ଭୁକ୍ତ।

ଏହି ସମୟରେ, ଇରାନ ସେନା ଇସ୍ରାଏଲକୁ ଚେତାବନୀ ଦେଇଛି , ଆଗାମୀ କିଛି ଘଣ୍ଟା ମଧ୍ୟରେ ନୂତନ ଏବଂ ଉନ୍ନତ ଅସ୍ତ୍ରଶସ୍ତ୍ର ବ୍ୟବହାର କରି ପ୍ରବଳ ଆକ୍ରମଣ କରାଯିବ। ମଙ୍ଗଳବାର ଦିନ, ଇସ୍ରାଏଲ ପ୍ରତିରକ୍ଷା ବାହିନୀ (IDF) କହିଛି ଯେ ଇରାନ ଆଜି ୩୦ଟି କ୍ଷେପଣାସ୍ତ୍ର ମାଡ଼ କରିଛି, ଯାହା ମଧ୍ୟରୁ କିଛି ଇସ୍ରାଏଲ ପ୍ରତିରକ୍ଷା ବ୍ୟବସ୍ଥାକୁ ଅତିକ୍ରମ କରିଛି। "ଆମେ ଆମର ଉନ୍ନତ ଗୁଇନ୍ଦା କ୍ଷମତା ଏବଂ ଜଟିଳ ସାମରିକ ରଣନୀତି ସହିତ ଆମର ଶତ୍ରୁମାନଙ୍କୁ ପିଛା କରିବା ଜାରି ରଖିବୁ। ଅନ୍ୟପକ୍ଷେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ସେ କେବଳ ଅସ୍ତ୍ର ବିରତି ନୁହେଁ ବରଂ ଇରାନ-ଇସ୍ରାଏଲ ଯୁଦ୍ଧର ପ୍ରକୃତ ଅନ୍ତ ଚାହାଁନ୍ତି।