ମିରଟ : ମିରଟର ଲୋମଟାଙ୍କୁରା ସୌରଭ ହତ୍ୟାକାଣ୍ଡ ମାମଲା ସାରା ଦେଶରେ ଚର୍ଚ୍ଚାର ବିଷୟ ପାଲଟିଛି। ଏହା ଯେତିକି ଦୁଃଖଦ, ସେତିକି ବିଭତ୍ସ ପାଲଟିଛି। କେସ୍ରେ ଲଗାତାର ନୂଆ ନୂଆ ଖୁଲାସା ହେଉଛି। ଏହି ମଧ୍ୟରେ ଏକ ସୂଚନା ମଧ୍ୟ ସାମନାକୁ ଆସିଛି ଯେ, ମୁସ୍କାନ ଓ ସାହିଲଷ ଘରେ ଥିବା ଏକ ଡ୍ରମ୍କୁ ହିମାଚଳରୁ ଫେରିବା ପରେ ଫିଙ୍ଗିବାର ପ୍ଲାନ୍ କରି ଥିଲେ, ଯେଉଁଥିରେ ସେ ମୃତଦେହକୁ ୧୫ ଟୁକୁଡ଼ା କରି ସିମେଣ୍ଟ ସହ ମିଶାଇ ଭର୍ତ୍ତି କରି ଥିଲେ।
ଉଲ୍ଲେଖନୀୟ ଯେ, ଯେଉଁ ନୀଳ ଡ୍ରମ୍ରେ ସିମେଣ୍ଟ ସହ ମିଶାଇ ଦୁହେଁ ସୌରଭଙ୍କ ମୃତଦହର ଟୁକୁଡ଼ାକୁ ରଖି ଥିଲେ, ତାହା ବହୁତ ଓଜନିଆ ହୋଇ ଯାଇଥିଲା। ମୁସ୍କାନ ଓ ସାହିଲଙ୍କୁ ଏହି ଜିନିଷ ମୃତଦେହକୁ ଲୁଚାଇବା ବେଳେ ଜଣା ନଥିଲା। କିନ୍ତୁ ପୂରା ଡ୍ରମ୍ ଯେବେ ସିମେଣ୍ଟରେ ଭରି ଯାଇଥିଲା ଡ୍ରମ୍ର ଓଜନ ବହୁତ ଅଧିକ ବଢି ଯାଇଥିଲା। ପୁଲିସର ଯାଞ୍ଚ ଅନୁସାରେ , ମୁସ୍କାନ ଓ ସାହିଲ ୩ ମାର୍ଚ୍ଚ ରାତିରେ ସୌରଭଙ୍କୁ ମାରି ଦେଇ ଥିଲେ। ଏହାପରେ ତାଙ୍କର ମୃତଦେହକୁ ୧୫ ଖଣ୍ଡ କରି ଦେଇ ଥିଲେ।
ଏହି ମୃତଦେହର ଟୁକୁଡ଼ା ଓଦା ସିମେଣ୍ଟରେ ମିଳି ଯାଇଥିଲା ଯେବେ ଡ୍ରମ୍ରେ ଭର୍ତ୍ତି କରି ଦିଆ ଗଲା। ମୁସ୍କାନ ଓ ସାହିଲ ଏହାପରେ ଦୁଇ ସପ୍ତାହ ହିମାଚଳ ଟ୍ରିପ୍ରେ ବାହାରି ଗଲେ। ତାଙ୍କର ପ୍ଲାନ୍ ଥିଲା ଯେ ଫେରିବା ପରେ ଡ୍ରମ୍କୁ କେଉଁଠି ଫିଙ୍ଗି ଦେବେ। ଉଭୟ ଏହି ଉଦ୍ଦେଶ୍ୟ ସହ ୧୭ ମାର୍ଚ୍ଚରେ ଛୁଟି ପାଳି ଫେରିଥିଲେ। ଏଥିପାଇଁ ସେ କିଛି ଶ୍ରମିକଙ୍କୁ ଡାକି ଡ୍ରମ୍କୁ ଉଠାଇ କେଉଁଠି ଫିଙ୍ଗି ଦେବାକୁ କହିଥିଲେ। ଶ୍ରମିକମାନେ ଏମିତି କରିବାକୁ ଚେଷ୍ଟା କରି ବିଫଳ ହେଲେ , କାରଣ ଓଜନ ବହୁତ ଅଧିକ ଥିବାରୁ ଡ୍ରମ୍କୁ ଉଠାଇ ପାରି ନଥିଲେ। ଏମିତି କରିବା ପରେ ଡ୍ରମ୍ର ଢାକୁଣି ଗୋଟେ ପଟେ ଖୋଲି ଯାଇଥିଲା। ଏଥିଯୋଗୁଁ ଭିତରେ ବନ୍ଦ ଥିବା ମୃତଦେହର ପଚା ଖଣ୍ଡରୁ ଦୁର୍ଗନ୍ଧ ବାହାରିବାକୁ ଲାଗିଲା। ଏହାକୁ ନେଇ ଶ୍ରମିକଙ୍କର ସନ୍ଦେହ ହେଲା ଏବଂ ସେମାନେ ସେଠାରୁ ଚାଲି ଗଲେ।
ଏବେ ସେହି ଡ୍ରମ୍କୁ ସାହିଲ ଓ ମୁସ୍କାନଙ୍କୁ ଉଠାଇବାରେ ସକ୍ଷମ ନଥିଲେ। ଶେଷରେ ମୁସ୍କାନ ନିଜ ମାଆଙ୍କ ଘରକୁ ଚାଲିଗଲା ଏବଂ ସାହିଲ ନିଜ ରୁମ୍କୁ ଫେରି ଗଲା। ମା-ବାପାଙ୍କ ପାଖରେ ପହଞ୍ଚି ମୁସ୍କାନ ଆରମ୍ଭରେ ସୌରଭଙ୍କ ହତ୍ୟା ନେଇ ତାଙ୍କର ଭଉଣୀ ଓ ଭିଣୋଇଙ୍କ ଉପରେ ଦୋଷାରୋପ କରିବାକୁ ଚେଷ୍ଟା କଲା। କିନ୍ତୁ ପୂରା କାହାଣୀରେ ମୁସ୍କାନର ମାଆ ଓ ବାପାଙ୍କୁ ସନ୍ଦେହ ହେଲା। ମୁସ୍କାନକୁ ଖୁବ୍ ସନ୍ଦେହ କରିବାରୁ ସେ ସତ କହିଥିଲା ଯେ, ସାହିଲ ସହ ମିଳି ସୌରଭଙ୍କୁ ହତ୍ୟା କରିଛି। ଜଣେ ପଡୋଶୀ କହିଛନ୍ତି ଯେ, ସାହିଲ ଅନେକ ସମୟରେ ମୁସ୍କାନର ଏହି ଘରକୁ ଆସୁ ଥିଲା। କିନ୍ତୁ ସେ ଏହା ବି କହି ଥିଲେ , ଦୁହେଁ ମିଶି ଏମିତି କାଣ୍ଡ କରି ଥାଇ ପାରନ୍ତି। ଏହି କଥାକୁ କିନ୍ତୁ କେହି କେବେ ଭାବି ନଥିଲେ। ସେ କହି ଥିଲେ ମୁସ୍କାନର ବ୍ୟବହାରରୁ ସେମିତି କିଛି ଜଣାପଡ଼ୁ ନଥିଲା। ତାର ଚାଲିଚଳନ କଥାବାର୍ତ୍ତାରୁ କିଛି ସନ୍ଦେହ ହେଉ ନଥିଲା।
ସେ କହି ଥିଲେ ଯେ, ୧୭ ମାର୍ଚ୍ଚରେ ମୁସ୍କାନକୁ ଶାନ୍ତ ଭାବେ ଏକୁଟିଆ ବସି ଥିବାର ଦେଖିବାକୁ ମିଳିଥିଲା। ପଡୋଶୀ କହିଥିଲେ କି, ଆମକୁ ଲାଗୁଛି କି, ସେ ବୋଧେ ଭାବୁଥିଲା କେମିତି ଡ୍ରମ୍କୁ ବାହାରକୁ ନେଇ ଫିଙ୍ଗିବ। ମୋତେ ବି କେହି ଜଣେ କହିଥିଲେ କି, ସେ (ମୁସ୍କାନ) ଏଥିପାଇଁ ଶ୍ରମିକଙ୍କୁ ଡାକି ଥିଲା, କିନ୍ତୁ ସେ ଡ୍ରମ୍କୁ ଉଠାଇ ପାରି ନଥିଲେ।
କହି ରଖିଛୁ କି, ସୌରଭ ଓ ମୁସ୍କାନଙ୍କର ୨୦୧୬ରେ ଲଭ୍ ମ୍ୟାରେଜ୍ ହୋଇଥିଲା। ମୁସ୍କାନ ୨୦୧୯ରେ ଝିଅ ପିହୁକୁ ଜନ୍ମ ଦେଇଥିଲା, କିନ୍ତୁ ଏହାର ଠିକ୍ ଦିନକ ପରେ ଦୁହେଁ ସଂପର୍କ ବିଗାଡ଼ି ଦେଲେ। ଏହି କାରଣରୁ ସାହିଲର ମୁସ୍କାନର ଜୀବନରେ ଏଣ୍ଟ୍ରି ହୋଇଥିଲା। ଏଠାରୁ ସୌରଭଙ୍କ ଜୀବନର ମୁସ୍କାନ (ହସ) ଚାଲି ଯାଇ ଥିଲା।
