ଧର୍ମଶାଳା ,୧୦/୦୬: ଯାଜପୁର ଜିଲ୍ଲା ଧର୍ମଶାଳା ତହସିଲ ଅନ୍ତର୍ଗତ ବରଡ଼ା ପାହାଡ଼ରେ ଓଲଟିଲା ବେଆଇନ କଳା ପଥର ପରିବହନ କରୁଥିବା ହାଇୱା । ଏହି ଦୁର୍ଘଟଣାରେ ଗୁରୁତର ଆହତ ହୋଇଛନ୍ତି ଗାଡିର ଡ୍ରାଇଭର । ତାଙ୍କୁ ପ୍ରଥମେ ଧର୍ମଶାଳା ଏବଂ ପରେ କଟକର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି । ସେପଟେ ଓଲଟିଥିବା ଗାଡିକୁ ପୁଲିସ ଅଗୋଚରରେ ପାହାଡ଼ ମାଫିଆ ଉଠାଇ ନେଇଯାଇଥିବା ଜଣାପଡିଛି । ଆହତ ଡ୍ରାଇଭରର ପରିଚୟ ଏବେ ସୁଦ୍ଧା ମିଳିପାରିନାହିଁ।
ସୂଚନା ଥାଉକି, ବରଡ଼ା ପାହାଡ଼ରେ ବେଆଇନ ଭାବେ କଳା ପଥର ଲୁଟ୍ ହେଉଛି । ରଙ୍ଗା ନାମକ ଜଣେ ପଥର ମାଫିଆ କୋଟି କୋଟି ଟଙ୍କାର ମୂଲ୍ୟବାନ ପଥର ଚୋରା ଚାଲାଣ କରୁଛନ୍ତି । ପାହାଡ଼ ଉପରେ ଦୁର୍ଘଟଣା କାରଣରୁ ଅନେକ ସମୟରେ ଶ୍ରମିକଙ୍କ ଜୀବନ ଯାଉଛି । ଏନେଇ ବାରମ୍ବାର ଅଭିଯୋଗ ହେଉଥିଲେ ବି ପୁଲିସ୍ ରାଜସ୍ବ ହାନୀ ରୋକିବାରେ ବିଫଳ ହେଉଛି ବୋଲି ଶ୍ରମିକମାନେ ଅଭିଯୋଗ କହିଛନ୍ତି ।
