ମୁମ୍ବାଇ,୧୮/୧: ବଲିଉଡ ଅଭିନେତା ସୈଫ ଅଲ୍ଲୀ ଖାନଙ୍କ ଉପରକୁ ଛୁରାମାଡ ଘଟଣା ଏବେ ଚର୍ଚ୍ଚାରେ ରହିଛି । ମୁମ୍ବାଇର ବାନ୍ଦ୍ରାସ୍ଥିତ ବାସଭବନରେ ତାଙ୍କ ଉପରକୁ ମରଣାନ୍ତ୍ରକ ଆକ୍ରମଣ ହୋଇଥିଲା । ବର୍ତ୍ତମାନ ସୈଫ ସୁସ୍ଥ ଅଛନ୍ତି । ମୁମ୍ବାଇ ପୋଲିସର ୩୦ଟି ଟିମ୍ ଘଟଣାର ତଦନ୍ତ କରୁଛି । ତେବେ ସୈଫଙ୍କୁ ସେଦିନ ଡାକ୍ତରଖାନାରେ କିଏ ପହଞ୍ଚାଇଥିଲା । କେମିତି ଥିଲା ସେଦିନ ରାତିର ଘଟଣା । ଅଟୋ ଡ୍ରାଇଭର ଭଜନ ସିଂହ ବଖାଣିଛନ୍ତି ସେଦିନର ଘଟଣା ।
ଭଜନ ସିଂହଙ୍କୁ ପଚରାଉଚରା ନେଇ ବାନ୍ଦ୍ରା ପୋଲିସ ଆଜି (ଶନିବାର) ତାଙ୍କୁ ଡାକିଥିଲେ, ଏହାକୁ ନେଇ ସେ କହିଛନ୍ତି, ଘଟଣା ବାବଦରେ ପଚରାଉଚରା ନେଇ ପୋଲିସ ମୋତେ ଡାକିଥିଲେ । ମୁଁ ସେଦିନ ରାତିରେ ଟାଙ୍କା କାଥା ଭାବିନଥିଲି । ନା ମୁଁ ଏବେ କରୀନା କପୁରଙ୍କୁ ଯୋଗାଯୋଗ କରିଛି । ନା ଅନ୍ୟ କାହାକୁ । କାହା ସହିତ ମୋର କୌଣସି କାଥାବାର୍ତ୍ତା ହୋଇନାହିଁ ।
ସେଦିନ ରାତିର ଘଟଣା ବଖାଣି ସୈଫଙ୍କୁ ହସ୍ପିଟାଲ ନେଇଥିବା ଅଟୋ ଡ୍ରାଇଭର ଭଜନ ସିଂହ କହିଛନ୍ତି, ସୈଫ ଅଲ୍ଲୀ ଖାନ୍ ରକ୍ତ ଜୁଡୁବୁଡୁ ହୋଇଯାଇଥିଲେ । ଆମେ ଆସୁଥିଲୁ ହଠାତ୍ ଏକ ଶଦ୍ଦ ଶୁଣିଲୁ । ଦୂରରୁ ଜଣେ ଡାକିଲେ ରିକ୍ସା ରିକ୍ସା । ମୁଁ ଭୟଭୀତ ହୋଇଯାଇଥିଲି । ଏହା ପରେ ଗେଟକୁ ଗୋଟିଏ ଶଦ୍ଦ ଆସିଲା । ମୁଁ ୟୁଟର୍ଣ୍ଣ ନେଇ ଗେଟ୍ ପାଖକୁ ଗଲି । ସେଠାରେ ଗାଡି ପାର୍କ କଲି । ମୁଁ ଜାଣିନଥିଲି ସେ ସୈଫ ଅଲ୍ଲୀ ଖାନ ବୋଲି । ତାଙ୍କ ଧଳା ସାର୍ଟ ରକ୍ତରେ ଭିଜିଥିଲା । ରାସ୍ତା ଉପରୁ ସେ ସାଥୀରେ ଜଣେ ପିଲାକୁ ଧରି ଆସିଥିଲେ । ଅଟୋରେ ବସିବା ପରେ ସେ ହୋଲି ଫ୍ୟାମିଲି ହସ୍ପିଟାଲ ଯିବାକୁ କହିଥିଲେ । ସେ ବାରମ୍ବାର ପଚାରୁ ଥିଲେ ଆଉ କେତେ ସମୟ ଲାଗିବ । ଆମେ ୧୦ ମିନିଟରେ ହସ୍ପିଟାଲରେ ପହଞ୍ଚିଥିଲୁ । ହସ୍ପିଟାଲ ଗେଟ ପାଖରେ ପହଞ୍ଚିବା ପରେ ସେଠାରେ ଗାର୍ଡ ମାନଙ୍କୁ କହିଥିଲେ ମୁଁ ସୈଫ ଅଲ୍ଲୀ ଖାନ୍... ଷ୍ଟେଚର ଆଣ । ଗାର୍ଡ ତୁରନ୍ତ ଷ୍ଟେଚର ଆଣି ତାଙ୍କୁ ଭିତରକୁ ନେଇଥିଲେ ।
#WATCH | Mumbai: Bhajan Singh, the auto-rickshaw driver who took Actor Saif Ali Khan to Lilavati Hospital, says "I was called there (Bandra Police Station) for questioning...I did not think about money that night...I have not been contacted by Kareena Kapoor or anyone else so… pic.twitter.com/pXHPsSkOp2
— ANI (@ANI) January 18, 2025
ଏହା ବି ପଢନ୍ତୁ...ଅସ୍ତ୍ରୋପଚାର ପରେ ଆଇସିୟୁରେ ଭର୍ତ୍ତି ହେଲେ ସୈଫ୍, ଅଭିଯୁକ୍ତକୁ ଚିହ୍ନଟ କଲା ବାନ୍ଦ୍ରା ପୋଲିସ
ଗତ ୧୬ ତାରିଖରେ ମୁମ୍ବାଇ ବାନ୍ଦ୍ରାସ୍ଥିତ ବାସଭବନରେ ସୈଫ ଅଲ୍ଲୀ ଖାନଙ୍କୁ ଛୁରାମାଡ ହୋଇଥିଲା । ମରଣାନ୍ତ୍ରକ ଆକ୍ରମଣ କରିଥିଲା ଦୁର୍ବୃତ୍ତ । ପରିବାର ପାଇଁ ଦୁର୍ବୃତ୍ତ ସହ ଏକାକୀ ଲଢିଥିଲେ ସୈଫ ଅଲ୍ଲୀ ଖାନ୍ । ଘଟଣାର ତଦନ୍ତ କରୁଛି ମୁମ୍ବାଇ ପୋଲିସ । ବରିଷ୍ଠ ପୋଲିସ ଅଧିକାରୀଙ୍କୁ ନେଇ ୩୦ଟି ଟିମ୍ ଗଠନ ହୋଇଛି । ଘଟଣାରେ ଡକାୟତି ଓ ବେଆଇନ ଅନୁପ୍ରେବଶ ସମେତ ମୋଟ ୫ଟି ମାମଲା ରଜ୍ଜୁ ହୋଇଛି । ସନ୍ଦିଗ୍ଧକୁ ପଚରାଉଚରା କରି ପୋଲିସ ଛାଡି ଦେଇଥିବା ଜଣାପଡିଛି ।
