ଢାକା,୨୩/୦୫: ମହମ୍ମଦ ୟୁନୁସଙ୍କୁ ବାଂଲାଦେଶ ଆର୍ମି ଚିଫ୍ଙ୍କ ଚେତାବନୀ । ବିପଦରେ ୟୁନୁସଙ୍କ ଗାଦି । ବାଂଲାଦେଶରେ ଜାରି ରହିଥିବା ରାଜନୈତିକ ଅଶାନ୍ତି ମଧ୍ୟରେ ପ୍ରମୁଖ ଜେନେରାଲ ୟୁନୁସଙ୍କୁ ଚେତବାନୀ ଦେଇଛନ୍ତି । ସେନାମୁଖ୍ୟ ୱକାର-ଉଜ-ଜମାନ ଚାହୁଁଛନ୍ତି କି ଚଳିତବର୍ଷ ଶେଷ ସୁଦ୍ଧା ଅର୍ଥାତ ଡିସେମ୍ବରରେ ନିର୍ବାଚନ ହେଉ । ନିର୍ବାଚିତ ସରକାର କାର୍ଯ୍ୟଭାର ସମ୍ଭାଳନ୍ତୁ । ମିଳିଥିବା ରିପୋର୍ଟ ଅନୁସାରେ ଅନ୍ତରୀଣ ସରକାରଙ୍କର କିଛି ନୀତିଗତ ନିଷ୍ପତ୍ତି ଉପରେ ଅସନ୍ତୁଷ୍ଟ ପ୍ରକାଶ କରିଛନ୍ତି ଆର୍ମି ଚିଫ୍ । ୟୁନୁସ ଇସ୍ତଫା ଦେଇ ପାରନ୍ତି ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।
ରାଜନୈତିକ ଦଳ ସହିତ ବାଂଲାଦେଶ ସେନାମୁଖ୍ୟଙ୍କ ସହ ମଧ୍ୟ ୟୁନୁସଙ୍କ ମତଭେଦ ରହିଛି । ରୋହିତ୍ୟାଙ୍ଗଙ୍କ ପାଇଁ ମିଆଁମ୍ୟାର ଯାଏ ରାସ୍ତା କରିବାକୁ ଚାହୁଁଛନ୍ତି ୟୁନୁସ । ଯାହାକୁ ଆର୍ମି ଚିଫ୍ 'ବ୍ଲଡ଼ି କରିଡର' ଢାକାରେ କ୍ଷମତା ପାଇଁ ୟୁନୁସ ଏପରି ଚାଲାଖୀ କରୁଥିବା କହିଛନ୍ତି । ବାଂଲାଦେଶ ଆର୍ମି ଚିଫ୍ ଜେନରାଲ ୱକାର ଉଜ ଜମା ମହମ୍ମଦ ୟୁନୁସଙ୍କୁ ୩ ସନ୍ଦେଶ ଦେଇଛନ୍ତି । ଯାହାକୁ ନେଇ ହଲଚଳ ଦେଖିବାକୁ ମିଳିଛି । ଡିସେମ୍ବର ସୁଦ୍ଧା ନିର୍ବାଚନ, ସୈନ୍ୟ ମାମଲାରେ ଦସ୍ତକ୍ଷେପ ନ କରିବା ସହ ମିଆଁମ୍ୟାର ସହିତ କରିଡ଼ର ବନ୍ଦ କରିବାକୁ ଚେତାବନୀ ୟୁନୁସଙ୍କୁ ବାଂଲାଦେଶ ଚେତାବନୀ ଦେଇଛନ୍ତି ।
ଇସ୍ତଫା ଦେବେ ୟୁନୁସୁ !- ଦେଶ ସମ୍ଭାଳି ପାରୁନାହାନ୍ତି ୟୁନୁସ । ବାଂଲାଦେଶରେ ହିଂସା, ଚୋରି, ସଂଖ୍ୟାଲଘୁଙ୍କ ବିରୋଧ ପ୍ରଦର୍ଶନରେ କାର୍ଯ୍ୟାନୁଷ୍ଠାନ ନେବାରେ ଫେଲ୍ ହୋଇଛନ୍ତି ୟୁନୁସ । କୌଣସି ବି ସମୟରେ ଭାଙ୍ଗିପାରେ ଅନ୍ତରୀଣ ସରକାର । ମୁଖ୍ୟ ପରାମର୍ଶଦାତା ମହମ୍ମଦ ୟୁନୁସୁ ଦେଶରେ ବଢୁଥିବା ହିଂସା ଓ ରାଜନୈତିକ ଅସ୍ଥିରତା ମଧ୍ୟରେ ଇସ୍ତଫା ଦେବାରୁ ବିଚାର କରୁଥିବା ଜଣାପଡ଼ିଛି । ବର୍ତ୍ତମାନ ଦେଶରେ ଥିବା ସ୍ଥିତିରେ ତାଙ୍କ ପାଇଁ କାର୍ଯ୍ୟ କରିବା କଷ୍ଟକର ହୋଇଛି । ବର୍ତ୍ତମାନ ସ୍ଥିତି ଏମିତି ହୋଇଛି କି ୟୁନୁସ ଇସ୍ତଫା ଦେବାକୁ ନେଇ ବିଚାର କରୁଥିବା କୁହାଯାଉଛି । ୟୁନୁସଙ୍କ ଇସ୍ତଫା ଦେବା ନେଇ ଖବର ପରେ ବାଂଲାଦେଶରେ ହଲଚଲ ଦେଖିବାକୁ ମିଳିଛି ।
ଏନସିପି ସଂଯୋଜକ କହିଛନ୍ତି କି,ମୁଖ୍ୟ ପରାମର୍ଶଦାତା ୟୁନୁସ ଆଶଙ୍କା କରିଛନ୍ତି ଦେଶର ବର୍ତ୍ତମାନ ସ୍ଥିତିରେ ସେ କାମ କରିପାରିବେ ନାହିଁ । ଯେ ପର୍ଯ୍ୟନ୍ତ ରାଜନୈତିକ ଦଳ ସହମତି ନିଷ୍ପତ୍ତିରେ ପହଞ୍ଚିବେ ନାହିଁ ସେ କାମ କରିପାରିବେ ନାହିଁ ।
କୁହାଯାଉଛି କି, ଅନ୍ତରୀଣ ସରକାରଙ୍କ ପକ୍ଷରୁ ସଂସଦୀୟ ନିର୍ବାଚନ ନେଇ କୌଣସି ସ୍ପଷ୍ଟ ରୋଡ଼ମ୍ୟାପ ଘୋଷଣା ହୋଇନାହିଁ । ଏକ ନର୍ବାଚିତ ସରକାର ଦେଶର ଭବିଷ୍ୟତ ଦିଗ ସ୍ଥିର କରିବାର ଅଧିକାର ଅଛି ବୋଲି କହିଛନ୍ତି ବାଂଲାଦେଶ ସେନାମୁଖ୍ୟ ଜମାନ । ପୂର୍ବ ପ୍ରଧାନମନ୍ତ୍ରୀ ଖାଲିଦା ଜିୟାଙ୍କ ବାଂଲାଦେଶ ନ୍ୟାସନାଲ ପାର୍ଟି (ବିଏନ୍ପି) ସହିତ ଏକାଧିକ ରାଜନୈତିକ ଦଳ ଡିସେମ୍ବର ସୁଦ୍ଧା ସଂସଦୀଯ ନିର୍ବାଚନ କରିବାକୁ ଦାବି କରିଛନ୍ତି । ବିଏନ୍ପି କାର୍ଯ୍ୟକର୍ତ୍ତା ଢାକାରେ ମୁଖ୍ୟ ପରାମର୍ଶଦାତାଙ୍କ ନିବାସରେ ବିକ୍ଷୋଭ ପ୍ରଦର୍ଶନ କରଥିଲେ । ଅନ୍ତରୀଣ ସରକାରଙ୍କୁ ହଟାଇବାକୁ ଦାବି କରିଥିଲେ ।
