କେସିଙ୍ଗା,ଏନ୍ଏସି,୧୨/୦୬: କଳାହାଣ୍ଡି ଜିଲ୍ଲା କେସିଙ୍ଗା ନଗରରେ ବିଜେପି ସଭାପତି ଭାର ଗ୍ରହଣ କରିବା ପରେ ଆକ୍ସନ ମୁଡରେ ପିଙ୍କୁ ପରିଡ଼ା। ରାଜ୍ୟ ସରକାରଙ୍କ ଏକ ବର୍ଷ ପୂର୍ତ୍ତି ଅବସରରେ କଳାହାଣ୍ଡି ଜିଲ୍ଲାକୁ ଆସିଥିବା ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗଙ୍କୁ କେସିଙ୍ଗା ବିଜେପି ସଭାପତିଙ୍କ ନେତୃତ୍ୱରେ ଏକ ଟିମ୍ ଭବାନୀପାଟଣା ଯାଇ ସାକ୍ଷାତ କରିଛନ୍ତି । ଏଥିସହ କେସିଙ୍ଗା ମେଡିକାଲର ବିଭିନ୍ନ ସମସ୍ୟା ଉପରେ ଆଲୋଚନା କରି ଏକ ଦାବିପତ୍ର ପ୍ରଦାନ କରିଥିବା ଜଣାପଡ଼ିଛି ।
ଦାବିପତ୍ରରେ କେସିଙ୍ଗା ମେଡିକାଲ ପାଇଁ ଜଣେ ମେଡିସିନ ସ୍ପେସିଆଲିଷ୍ଟ, ତିନିଜଣ ମେଡିକାଲ ଅଫିସରଙ୍କୁ ନିଯୁକ୍ତି ପାଇଁ ଉଲ୍ଲେଖ ରହିଛି । ଏଥିସହ କେସିଙ୍ଗା ମେଡିକାଲରେ ବ୍ଲଡ୍ ବ୍ୟାଙ୍କ ବ୍ୟବସ୍ଥା, ପୁରୁଣା ହୋଇ ଯାଇଥିବା ଡକ୍ଟର ଓ ଷ୍ଟାଫଙ୍କ ସରକାରୀ କୋଠାର ମରାମତି, ହସ୍ପିଟାଲରେ ଅତ୍ୟାଧୁନିକ ଲେବରେଟାରିର ସ୍ଥାପନ ସାଙ୍ଗକୁ ଲ୍ୟାବ୍ ଟେକ୍ନିସିଆନ ଓ ନର୍ସିଂ ଷ୍ଟାଫ ଯଥା ଶୀଘ୍ର ନିଯୁକ୍ତି ପାଇଁ ଦାବିପତ୍ର ପ୍ରଦାନ କରିଥିଲେ। ସ୍ଵାସ୍ଥ୍ୟମନ୍ତ୍ରୀ ଯଥାଶୀଘ୍ର ସମସ୍ତ ସମସ୍ୟାର ସମାଧାନ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ବୋଲି କେସିଙ୍ଗା ବିଜେପି ନଗର ସଭାପତି ପ୍ରକାଶ କରିଛନ୍ତି। ଏହି ଆଲୋଚନାରେ ଅନ୍ୟମାନଙ୍କ ମଧ୍ୟରେ ଟାଉନ ସମ୍ପାଦକ ଯୁଗଳ କିଶୋର ଦୀପ,ସୁନୀଲ ଜୈନ,ବିମଳ ବାଗ ପ୍ରମୁଖ ଉପସ୍ଥିତ ଥିଲେ।
