ମୁମ୍ବାଇ,୧୬।୧୧: ଅଭିନେତାରୁ ନେତା ହୋଇଥିବା ଗୋବିନ୍ଦା ଶନିବାର ଜଲଗାଓଁ ଜିଲ୍ଲାର ବିଧାନସଭା ନିର୍ବାଚନ ପାଇଁ ପ୍ରଚାର କରିବାକୁ ଯାଇଥିଲେ। ଏହି ସମୟରେ ହଠାତ ବିଗିଡି ଯାଇଥିଲା ତାଙ୍କ ସ୍ବାସ୍ଥ୍ୟବସ୍ଥା, ଯେଉଁ କାରଣରୁ ତାଙ୍କୁ ପ୍ରଚାର ଅଭିଯାନକୁ ରୋକିବାକୁ ପଡିଥିଲା। ଗୋବିନ୍ଦା,ମୁକ୍ତାଇନଗର, ପଚୋରା ଓ ଚୋପଡାରେ ନିର୍ବାଚନ ପ୍ରଚାର ପାଇଁ ଜଲଗାଓଁରେ ଥଲେ, ଏବେ ମୁମ୍ବାଇ ଫେରି ଆସିଛନ୍ତି।

ଗୋବିନ୍ଦ ପଚୋରାରେ ଏକ ରୋଡ ଶୋ’ କରୁଥିଲେ। ସେଠାରେ ତାଙ୍କୁ କରାଯାଇଥିଲା ଭବ୍ୟ ସ୍ବାଗତ। ଏହି ସମୟରେ ତାଙ୍କ ଦେହ ହଠାତ ଖରାପ ହୋଇଯାଇଥିଲା। ଏହାପରେ  ରୋଡ୍‌ ଶୋ’କୁ ଅଧାରେ ରୋକି ଦିଆଯାଇଥିଲା ଓ ସେ ତୁରନ୍ତ ମୁମ୍ବାଇ ଫେରି ଯାଇଥିଲେ।

ଗଣମାଧ୍ୟମର ରିପୋର୍ଟ ଅନୁସାରେ,ରୋଡ୍ ଶୋ’ ବେଳେ ଅଭିନେତାଙ୍କ ଛାତି ଓ ଗୋଡ଼ରେ ଯନ୍ତ୍ରଣା ଅନୁଭବ ହୋଇଥିଲା। ଏହି କାରଣରୁ ତାଙ୍କୁ ମଝିରେ ରୋଡ ଶୋ’କୁ ରୋକିବାକୁ ପଡିଥିଲା। ତେବେ ଏପର୍ଯ୍ୟନ୍ତ ଅଭିନେତାଙ୍କ ପକ୍ଷରୁ କୌଣସି ସୂଚନା ଦିଆଯାଇ ନାହିଁ। ଗୋବିନ୍ଦା ଏହି ରୋଡ୍‌ ଶୋ’ ବେଳେ ଲୋକଙ୍କୁ ବିଜେପି, ଶିବସେନା ଓ ଏନ୍‌ସିପି ମେଣ୍ଟ ସରକାରକୁ ଭୋଟ ଦେବାକୁ କହିଥିଲେ। ଗୋବିନ୍ଦା କଂଗ୍ରେସର ପୂର୍ବତନ ଲୋକସଭା ସାଂସଦ ରହିସାରିଛନ୍ତି, କିନ୍ତୁ ଏବେ ସେ ଏକନାଥ ସିନ୍ଦେଙ୍କ ନେତୃତ୍ବାଧୀନ ଶିବସେନାରେ ଅଛନ୍ତି।