ନୂଆଦିଲ୍ଲୀ,୨୯ /୦୧: ଭାରତୀୟ ମହାକାଶ ଗବେଷଣା ପ୍ରତିଷ୍ଠାନକୁ ବଡ ସଫଳତା ମିଳିଛି । ଶ୍ରୀହରିକୋଟାରୁ ଇସ୍ରୋର ସେଞ୍ଚୁରୀ ଲଞ୍ଚ ସଫଳ ହୋଇଛି । ସ୍ପେଶପୋର୍ଟରୁ ଐତିହାସିକ ଉତକ୍ଷେପଣ କରିଛି ଇସ୍ରୋ । ମହାକାଶକୁ ଗଲା ନାଭିଗେସନ ସାଟେଲାଇଟ ଏନଭିଏସ-୦୨ । ଜିଏସଏଲଭି-ଏଫ-୧୫ ରକେଟ ଯୋଗେ ଉଡାଣ ଭରିଲା ସାଟେଲାଇଟ । ଏହା ଇସ୍ରୋର ୧୦୦ତମ ମିଶନ । ଶ୍ରୀହରିକୋଟାରୁ ସକାଳ ୬ଟା୨୩ ମିନିଟରେ ସଫଳ ଉତକ୍ଷେପଣ କରି ଇତିହାସ ରଚିଛି ଇସ୍ରୋ । ମିଶନ ସଫଳ ହୋଇଥିବା ନେଇ ଟ୍ବିଟ କରି ସୂଚନା ଦେଇଛି ଇସ୍ରୋ ।
ISRO tweets, "Mission Success! The GSLV-F15/NVS-02 mission has been successfully accomplished. India reaches new heights in space navigation!" pic.twitter.com/cakY5Im6Al
— ANI (@ANI) January 29, 2025
ଇସ୍ରୋର ୧୦୦ତମ ମିଶନ୍ କଣ ? ସତୀଶ ଧାୱନ ମହାକାଶ କେନ୍ଦ୍ରରୁ ଇସ୍ରୋ ତାର ଐତିହାସିକ ୧୦୦ତମ ଅଭିଯାନ ଉତକ୍ଷେପଣ କରିଛି । ନାଭିଗେସନ ଉପଗ୍ରହ ଏନଭିଏସ୍-୦୨ ଭାରତୀୟ ଭୂପୃଷ୍ଠଠାରୁ ପ୍ରାୟ ୧୫୦୦ କିଲୋମିଟର ଦୂରରେ ଥିବା ଅଞ୍ଚଳରେ ଉପଭୋକ୍ତାଙ୍କୁ ସଠିକ୍ ସ୍ଥିତି, ବେଗ ଓ ସମୟ ପ୍ରଦାନ କରିବ । ଇସ୍ରୋ ଅନୁଯାୟୀ ଉପଗ୍ରହର ସେବା ସ୍ଥଳୀୟ, ଆକାଶମାର୍ଗ ଓ ସାମୁଦ୍ରିକ ନେଭିଗେସନ, ନିର୍ଦ୍ଦିଷ୍ଟ କୃଷି, ଫ୍ଲିଟ ମ୍ୟାନେଜମେଣ୍ଟ, ମୋବାଇଲ ଡିଭାଇସରେ ଅବସ୍ଥାନ ଭିତ୍ତିକ ସେବା, ଉପଗ୍ରହର କକ୍ଷପଥ ନିର୍ଦ୍ଧାରଣ, ଇଣ୍ଟରନେଟ ଅଫ୍ ଥିଙ୍ଗ୍ସ ଆଧାରିତ ଆପ୍ଲିକେସନ, ଜରୁରୀକାଳୀନ ଓ ସମୟଭିତ୍ତିକ ସେବା ପ୍ରଦାନରେ ବ୍ୟବହାର କରାଯିବ ।
ଭାରତ ପାଇଁ ମାଇଲଷ୍ଟୋନ- ସୋମନାଥଙ୍କ ପରେ ଇସ୍ରୋର ନୂଆ ଅଧ୍ୟକ୍ଷ ଭାବେ ଦାୟିତ୍ବ ନେଇଥିଲେ ଭି. ନାରାୟଣନ । ଦାୟିତ୍ବ ନେବା ପରେ ଏହା ତାଙ୍କର ପ୍ରଥମ ମିଶନ ଥିଲା । ଯାହା ସଫଳ ହୋଇଛି । ଇସ୍ରୋର ୧୦୦ତମ ମିଶନ GSLV-F15 ରେ NVS-02 ସାଟେଲାଇଟର ସଫଳ ଉତକ୍ଷେପଣକୁ ନେଇ ଇସ୍ରୋ ମୁଖ୍ୟ ଭି.ନାରାୟଣନ କହିଛନ୍ତି, ଏହା ଭାରତ ପାଇଁ ମାଇଲଷ୍ଟୋନ । ଏହା ଟିମ୍ ୱାର୍କ ପାଇଁ ସମ୍ଭବ ହୋଇଛି । ସମସ୍ତ ପୂର୍ବ ଅଧ୍ୟକ୍ଷଙ୍କୁ ଶ୍ରେୟ ଦେବା ସହିତ କଠିନ ପରିଶ୍ରମ ହିଁ ସଫଳତା ଆଣିଦିଏ ବୋଲି କହିଛନ୍ତି ।
ଏହା ବି ପଢନ୍ତୁ...ଶ୍ରୀହରିକୋଟାରେ ନିର୍ମାଣ ହେବ ତୃତୀୟ ଲଞ୍ଚ ପ୍ୟାଡ୍, ଖର୍ଚ୍ଚ ହେବ ୩୯୮୪ କୋଟି ଟଙ୍କା
#WATCH | Sriharikota, Andhra Pradesh | On the launch of the 100th mission GSLV-F15 with NVS-02 Satellite, ISRO chairman Dr V Narayanan says, "This 100th mission accomplishment is teamwork...The reward for hard work is more work. And ISRO has got a very busy year ahead with many… pic.twitter.com/9FyWPvdXzN
— ANI (@ANI) January 29, 2025
ଶୁଭେଚ୍ଛା ଜଣାଇଲେ କେନ୍ଦ୍ରମନ୍ତ୍ରୀ- ଇସ୍ରୋର ଏହି ସଫଳ ଉତକ୍ଷେପଣ ନେଇ ଶୁଭେଚ୍ଛା ଜଣାଇଛନ୍ତି ବିଜ୍ଞାନ ଓ ପ୍ରଯୁକ୍ତିବିଦ୍ୟା କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ । ଶ୍ରୀହରିକୋଟାରୁ ୧୦୦ତମ ସଫଳ ଲଞ୍ଚ କରି ଲ୍ୟାଣ୍ଡମାର୍କ ମାଇଲଷ୍ଟୋନ ହାସଲ କରିଥିଛି ଇସ୍ରୋ । ଟିମ୍ ଇସ୍ରୋ ଏନଭିଏସ୍-୦୨ର ସଫଳତ ଉତକ୍ଷେପଣ କରିବା ସହ ଦେଶକୁ ଗର୍ବିତ କରିଛି । ଏହା ଆମ ପାଇଁ ସୌଭଗ୍ୟର କଥା । ବିକ୍ରମ ସାରାଭାଇ ଓ ସତୀଶ ଧାୱନଙ୍କୁ ନେଇ ଆରମ୍ଭ ହୋଇଥିବା ଏହି ଯାତ୍ରା ଐତିହାସିକ ଯାତ୍ରାରେ ପରିଣତ ହୋଇଛି ।
