ନୂଆଦିଲ୍ଲୀ,୧୮/୧୧: ଆଇସିସି ଚମ୍ପିଆନ୍ସ ଟ୍ରଫି କେଉଁଠି ଖେଳାଯିବ ତାହା ସ୍ପଷ୍ଟ ହୋଇନାହିଁ । ଏହାକୁ ନେଇ ବାଦ ବିବାଦ ଲାଗି ରହିଛି । ଚମ୍ପିଆନ୍ସ ଟ୍ରିଫକୁ ନେଇ ବିସିସିଆଇ ଓ ପାକିସ୍ତାନ କ୍ରିକେଟ ବୋର୍ଡ ମଧ୍ୟରେ ଚାଲିଥିବା ବିବାଦ ଭିତରେ ପୂର୍ବତନ କ୍ରିକେଟ କିମ୍ବଦନ୍ତୀ କପିଳ ଦେବଙ୍କ ବୟାନକୁ ନେଇ ଚର୍ଚ୍ଚା ହେଉଛି ।
ଯଦି ଚମ୍ପିଆନ୍ସ ଟ୍ରଫି ନେଇ ପାକିସ୍ତାନରେ ଆଯୋଜିତ ହୁଏ ତେବେ ଭାରତ ପାକିସ୍ତାନ ଗସ୍ତ କରିବ କି ନାହିଁ ପ୍ରଶ୍ନରେ କପିଳ ଦେବ କହିଛନ୍ତି, ଏହା ସମୂର୍ଣ୍ଣ ସରକାରଙ୍କ ନିଷ୍ପତ୍ତି । ତାଙ୍କ ଦାୟିତ୍ବ । ଯଦି ସେ କହିବେ ସବୁ ଠିକ ଅଛି ତେବେ ହଁ ସବୁ ଠିକ ଅଛି । ଆମ ପରି ଲୋକ ଏହାକୁ ନେଇ ମତାମତ ଦେଇପାରିବେ ନାହିଁ । ଆମ ମତ କିଛି ଗୁରୁତ୍ବ ରଖେ ନାହିଁ । କିପଳ ଦେବ କାହାଠୁ ବଡ ହୋଇ ପାରିବେ ନାହିଁ ।'
ଆଇସିସି ଚମ୍ପିଆନ୍ସ ଟ୍ରଫି ଟୁର କାର୍ଯ୍ୟକ୍ରମ ଆରମ୍ଭ ହୋଇଛି । ୧୬ ତାରିଖରୁ ଜାନୁଆରୀ ୨୬ ତାରିଖ ଯାଏ ଅଂଶଗ୍ରହଣକାରୀ ଦେଶ ଭ୍ରମଣ କରିବ ଟ୍ରଫି । ଏହି କାର୍ଯ୍ୟକ୍ରମରେ ଟ୍ରଫିକୁ ପିଓକେ ନେବାକୁ ଯୋଜନା କରିଥିଲା ପାକିସ୍ତାନ । ମାତ୍ର ବିସିସିଆଇର ଆପତ୍ତି ପରେ ଆଇସିସି ପାକିସ୍ତାନକୁ ତାଗିତ କରିଥିଲା । କୌଣସି ବିବାଦୀୟ ସ୍ଥାନକୁ ଟ୍ରଫି ନନେବାକୁ ପାକିସ୍ତାନକୁ କଡା ଚେତାବନୀ ଦେଇଥିଲା ଆଇସିସି । ଏହା ପରେ ଟ୍ରଫି ଟୁରରୁ ପିଓକେକୁ ବାଦ୍ କରାଯାଇଥିଲା । ଚମ୍ପିଆନ୍ସ ଟ୍ରଫି ତାରିଖ ମଧ୍ୟରେ ପାକିସ୍ତାନରେ ବୁଲିବ । ଏହା ପରେ ଜାନୁଆରୀ ୧୫ରୁ ୨୬ ତାରିଖ ମଧ୍ୟରେ ଭାରତର ବିଭିନ୍ନ ସହର ଭ୍ରମଣ କରିବ ଚମ୍ପିଆନ୍ସ ଟ୍ରଫି ।
