ଲମତାପୁଟ, ୨୨/୧୧: ଲମତାପୁଟରେ ଅପରେସନ ଗ୍ରୀନ୍‌ କ୍ଲିନ୍‌ ।  ଗଞ୍ଜେଇ ଚାଷକୁ ବିରୋଧ କରି ୩୮ ଏକର ଜମିର ଗଞ୍ଜେଇ ଚାଷ ନଷ୍ଟ କଲା ପୋଲିସ । ମାଛକୁଣ୍ଡ, ଲମତାପୁଟ, ଜଲାପୁଟ ପୋଲିସ ଏବଂ କୋରାପୁଟ ଅବକାରୀ ବିଭାଗର ମିଳିତ ଭାବରେ ମାଛକୁଣ୍ଡ ଥାନା ଅଧୀନ ଥିବା ବାଲେଲ ପଞ୍ଚାୟତର ପାଲମ୍ ଗ୍ରାମ ନିକଟସ୍ଥ ଅଞ୍ଚଳରେ ଗଞ୍ଜେଇ ଗଛ ନଷ୍ଟ କରାଯାଇଛି । ସ୍ଥାନୀୟ ମାଜିଷ୍ଟେଟଙ୍କ ଉପସ୍ଥିରେ ପ୍ରାୟ ୫୩ ହଜାର ୨୦୦ ଗଞ୍ଜେଇ ଗଛ ନଷ୍ଟ କରାଯାଇଛି । ଏହାର ମୂଲ୍ୟ ପ୍ରାୟ ୩ କୋଟିରୁ ଉର୍ଦ୍ଧ ଟଙ୍କାର ଗଞ୍ଜେଇ ହେବା ନେଇ ପୋଲିସ ସୂଚନା ଦେଇଛି । 

ଗୋଇନ୍ଦା ସୂଚନାକୁ ଆଧାର କରି କୋରାପୁଟ ଏସପିଙ୍କ ନିର୍ଦେଶ କ୍ରମେ ଅପେରସନ ଗ୍ରୀନ କ୍ଳୀନ ଜାରି ରହିଛି । ଏହି ଅଞ୍ଚଳଟି ସମ୍ପୂର୍ଣ ଜଙ୍ଗଲ ଅଞ୍ଚଳ ହୋଇ ଥିବାରୁ ଚାଷୀଙ୍କ ସଚେତନତା ଅଭାବରୁ ଏଠାରେ ଦୀର୍ଘ ବର୍ଷ ଧରି ଚାଷୀ ଗଞ୍ଜେଇ ଚାଷ କରାଯାଉଛି । ପୂର୍ବରୁ ଏହି ଅଞ୍ଚଳ ମାଓ ପ୍ରଭାବିତ ଅଞ୍ଚଳ ହୋଇଥିବାରୁ ଡିବିଏଫ ଫୋର୍ସ ମୁତୟନ କରି ମାଛକୁଣ୍ଡ ଏବଂ କୋରାପୁଟ ଅବକାରୀ ମିଳିତ ଉଦ୍ୟମରେ ଏତେ ପରିମାଣରେ ଗଞ୍ଜେଇ ଚାଷ ନଷ୍ଟ କରିବାରେ ସଫଳତା ମିଳିଛି । ଏହି ଗଞ୍ଜେଇ ଚାଷ ଜଙ୍ଗଲ ଜମି ନା ମାଲିକାନା ଜମିରେ ହୋଇଛି, ତାହା ସ୍ଥାନୀୟ ଆରଆଇଙ୍କ ରିପୋର୍ଟ ମିଳିବା ପରେ ଜଣାପଡିବ । ଯଦି ସେହି ଜମି ମାଲିକାନା ଜମି ହୋଇଥାଏ ତାହାଲେ, ସମ୍ପୃକ୍ତ ଜମି ମାଲିକଙ୍କ ନାମରେ ମାମଲା ରୁଜୁ ହେବ ବୋଲି ନନ୍ଦପୁର ଏସଡିପିଓ ସୂଚନା ଦେଇଛନ୍ତି l