ମାଲକାନଗିରି,୧୨/୨ ; ମାଲକାନଗିରି ଜିଲ୍ଲା ମାନ୍ୟମକୋଣ୍ଡା ପଞ୍ଚାୟତ ସ୍ଥ ଆନ୍ଧ୍ରପ୍ରଦେଶ ସୀମାନ୍ତ ପୋଲେରୁ ଗାଁ । ଏହି ଠାରୁ ଜିଲ୍ଲା ର ଗଣପର୍ବ ବଡ଼ଯାତ୍ର ଆରମ୍ଭ ହୋଇଥାଏ। ପବିତ୍ର ସିଲେରୁ ନଦୀ ଆପ୍ର ପାର୍ଶ୍ଵ ରେ ତାଡ଼କାରେଉ ରେ ଠାକୁର ଙ୍କ ସ୍ନାନ କରାଯାଇଥାଏ। ଦୁଇ ରାଜ୍ୟ କୁ ସଂଯୋଗ ନିମନ୍ତେ ଏଠାରେ ଗତ ୨୦୨୦ ମସିହା ରୁ ସେତୁ ନିର୍ମାଣ ଚାଲିଛି, ଅଵଧି ସରିବା ପରେ ମଧ୍ୟ ଏହି ସେତୁ ନିର୍ମାଣ କାମ ସରିଲା ନାହିଁ,ଏବେ ବିପଦସଂକୁଳ ଅବସ୍ଥାରେ ଅଧପନ୍ତରିଆ ହୋଇ ପଡି ରହିଛି ସେତୁ।
ସିଲେରୁ ନଦୀ ଉପରେ ପୋଲେରୁ ବ୍ରିଜ ନିର୍ମାଣ ହେଉଛି। ଏହାର ଅଟକଳ ୧୦ କୋଟି ୭୧ଲକ୍ଷ ଟଙ୍କା ରହିଛି | ଉକ୍ତ ବ୍ରିଜ ଟି ନିର୍ମାଣ ସରିନଥିବାରୁ ପ୍ରତିଦିନ ବିପଦ ପୂର୍ଣ୍ଣ ଭାବେ ଡଙ୍ଗାରେ ନଦୀ ପାର ହୋଇ ଶତାଧିକ ଲୋକ ଯା ଆସ କରୁଛନ୍ତି। ପୋଲେରୁ ସେତୁ କାମ ୨୦୨୦ରେ ଆରମ୍ଭହୋଇଥିଲା ଏବଂ ଅବଧି ରହିଥିଲା ମାର୍ଚ୍ଚ ୨୦୨୨ ଅଢେଇ ବର୍ଷ ପରେ ବି ଏ ପର୍ଯ୍ୟନ୍ତ ସେତୁ ରେ ଛାତ ପଡି ପାରିନି । ଆସନ୍ତା ମାର୍ଚ୍ଚ ୩ରୁ ହେବାକୁ ଥିବା ବଡଯାତ୍ରାରେ ଏହି ଜଳପଥ ଦେଇ ବଡଠାକୁର ଆନ୍ଧ୍ରରୁ ଆସୁଥିବା ବେଳେ ଲକ୍ଷାଧିକ ଶ୍ରଦ୍ଧାଳୁ ବିପଦସଂକୁଳ ଅବସ୍ଥାରେ ନଦୀ ପାର ହୋଇ ଦର୍ଶନ ପାଇଁ ଯାଇଥାନ୍ତି | ବ୍ରିଜ କାମ କେବେ ସରିବ ଶ୍ରଦ୍ଧାଳୁ ଅପେକ୍ଷା କରି ରହିଥିବା ବେଳେ ସରୁ ନଥିବାରୁ ନିରାଶ ହେଉଛନ୍ତି ।
