ଫିରିଙ୍ଗିଆ,୧୯/୮ :  କନ୍ଧମାଳ ଜିଲ୍ଲା ସଦର ଅବକାରୀ ବିଭାଗ ଫୁଲବାଣୀ ବୌଦ୍ଧ ରାସ୍ତାର ଭେଟଖୋଲ ଘାଟି ନିକଟରେ ଏକ କାର୍ ସହ ୧୦କିଲୋ ଗଞ୍ଜେଇକୁ ଜବତ କରିଛି । ଏହି ଘଟଣାରେ ଜଣେ ଯୁବକକୁ ଗିରଫ କରିଛି  । ଗିରଫ ଯୁବକ ଜଣକ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅଧୀନରେ ଥିବା ବବଡିଙ୍ଗିଆ ଗାଁର ରାମଦାସ ଦିଗାଳ ବୋଲି ଜଣାପଡ଼ିଛି । 

ପ୍ରକାଶ ଯେ‌, ଫିରିଙ୍ଗିଆରୁ ବୌଦ୍ଧ ଅଂଚଳକୁ ଏକ କାରରେ ଗଞ୍ଜେଇ ଚାଲାଣ ହେଉଥିବା କୌଣସି ସୂତ୍ରରୁ ସଦର ଅବକାରୀ ବିଭାଗକୁ ଖବର ମିଳିଥିଲା । ଏହାପରେ ସଦର ଅବକାରୀ ବିଭାଗର ଓଆଇସି ପ୍ରକାଶ ଚନ୍ଦ୍ର ମଲ୍ଲିକଙ୍କ ସହ ଏକ ସ୍ୱତନ୍ତ୍ର ଟିମ୍ ଭେଟଖୋଲ ଘାଟିରେ ଜଗି ରହିଥିଲେ । ପରେ କାରଟି ଆସିବା ପରେ ତାକୁ ଅଟକାଇ ଯାଞ୍ଚ କରିବାରୁ ଗାଡ଼ିରେ ଏକ ବସ୍ତାରେ ୧୦କିଲୋ ଗଞ୍ଜେଇ ବାହାରିଥିଲା I ପରେ କାର ସହ ଗଞ୍ଜେଇକୁ ଜବତ କରିବା ସହ ଚାଲାଣକାରି ଯୁବକକୁ ଗିରଫ କରିଥିଲେ I 

ଅନ୍ୟପଟେ ଏହି ଘଟଣାରେ ସଦର ଅବକାରୀ ବିଭାଗରେ କେଶ ନଂ ୯୨/୨୫ରେ ଏକ ମାମଲା ରୁଜୁ କରାଯାଇ ମଙ୍ଗଳବାର ଚାଲାଣ କାରି ଯୁବକକୁ କୋର୍ଟ ଚାଲାଣ କରାଯାଇଥିବାବେଳେ ଏହି ଚଢ଼ଉରେ ବିଭାଗର ଅନିଲ ବେହେରା, ସଚିନ ଗୁରୁ, ସୌମ୍ୟରଞ୍ଜନ ବେହେରାଙ୍କ ସହ ଅନ୍ୟ କର୍ମଚାରୀମାନେ ଉପସ୍ଥିତ ଥିଲେ I