ମାଲକାନଗିରି, ୨୦।୧୧ (ଆପ୍ର ):  ଗତ କିଛିଦିନ ତଳେ ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡର କାଙ୍କେର ଜିଲ୍ଲା ଅଭୁଜମାଡ ଜଙ୍ଗଲରେ ଗୁଳିବିନିମୟ ରେ ୫ମାଓବାଦୀ ଙ୍କର ମୃତ୍ୟୁ ଘଟିଥିଲା ।  ତାର ପ୍ରତିଶୋଧ ନେବା ପାଇଁ ସେହି ଜଙ୍ଗ ରେ ଯବାନ ଙ୍କୁ ଟାର୍ଗେଟ କରି ସ୍ପାଇକ ହୋଲର ଜାଲ ବିଛାଇ ଥିଲେ ଯବାନ। ବୁଧବାର ସେହି ଜଙ୍ଗଲରେ ଯବାନଙ୍କ ତଲାସି ଅଭିଯାନ ବେଳେ ୧୦ରୁ ଅଧିକ ସ୍ପାଇକ ହୋଲ ଠାବ କରିଛନ୍ତି ମାଓବାଦୀଙ୍କ ଆକ୍ରମଣ ଯୋଜନାକୁ ପଣ୍ଡ କରିଦେଇଛନ୍ତି  ଯବାନମାନେ।

ଅଭୁଜମାଡ ଜଙ୍ଗଲରେ ଗତ କିଛିଦିନ ପୂର୍ବେ ସିଆର୍‌ପିଏଫ୍‌, ଡିଆର୍ଜି ଓ ନାରାୟଣପୁର ପୋଲିସ ମିଳିତ ଭାବେ କୁମ୍ବିଂ ଅପରେସନ କରୁଥିବା ସମୟରେ ମାଓବାଦୀଙ୍କ ସହ ଗୁଳି ବିନିମୟ ହୋଇଥିଲା। ତେବେ ଏହି ଗୁଳି ବିନିମୟରେ ୫ ଜଣ ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ ଏହାପରଠାରୁ ସେହି ଅଞ୍ଚଳରେ ତଲାସି ଅଭିଯାନକୁ ଯବାନଙ୍କ ଦ୍ଵାରା ଆହୁରି ବଢାଇ ଦିଆଯାଇଥିଲା। ଏହି ତଲାସୀ ଅଭିଯାନ ବେଳେ ମାଓବାଦୀ ମାନେ ଯବାନଙ୍କୁ ଟାର୍ଗେଟ କରି ପୂର୍ବରୁ ବିଭିନ୍ନ ସ୍ଥାନରେ ଗଭୀର ଗାତ ଖୋଳି ଲୁହା ସ୍ପାଇକ ଖଞ୍ଜି ଥିଲେ।  ଯବାନ ମାନେ ୧୦ରୁ ଅଧିକ ସ୍ପାଇକ୍ ହୋଲକୁ ଠାବ କରି ଏହାକୁ ଧ୍ଵଂସ କରିଛନ୍ତି।