ଦାରିଙ୍ଗବାଡି,୧୫/୫ : ୧୦୮ ଆମ୍ବୁଲାନ୍ସ ମେଡ଼ିକାଲ ପରିସର ମଧ୍ୟରେ ଅଛି । ଅଥଚ ଫୋନ କରିବାର ଘଣ୍ଟା ଘଣ୍ଟା ସମୟ ବିତିଯାଉଥିଲେ ସୁଦ୍ଧା ରୋଗୀଙ୍କ ପାଖରେ ପହଞ୍ଚିପାରୁ ନାହିଁ ୧୦୮ ଆମ୍ବୁଲାନ୍ସ ସେବା । ଫଳରେ ରୋଗୀ ଛଟପଟ ହେଉଥିବା ନେଇ ଆସିଛି ସଙ୍ଗୀନ ଅଭିଯୋଗ। ପ୍ଲିହେରି ପଞ୍ଚାୟତ ମୁଲୁକଚେରୀ ଗ୍ରାମର ସୁଶିଲ ପ୍ରଧାନ ଆଣିଛନ୍ତି କିଛି ଏଭଳି ଅଭିଯୋଗ ।
ସୁଶିଲ ପ୍ରଧାନଙ୍କ ସ୍ତ୍ରୀ ସୁଜାତାଙ୍କ ହାର୍ଟ ସମସ୍ୟା ଥିବା ଯୋଗୁଁ ଦାରିଙ୍ଗବାଡି ସ୍ବାସ୍ଥ୍ୟକେନ୍ଦ୍ରରେ ଦିନ ୩ଟାବେଳେ ଚିକିତ୍ସା ପାଇଁ ଭର୍ତ୍ତି କରିଥିଲେ । ହେଲେ ଅବସ୍ଥା ସଙ୍କଟାପନ୍ନ ଥିବା ଯୋଗୁଁ ଡାକ୍ତର ତାଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ସନ୍ଧ୍ୟା ୭ଟା ବେଳେ ରେଫର କରିଥିଲେ । ଏହାପରେ ସୁଜାତାଙ୍କ ପରିବାର ଲୋକେ ୧୦୮ ଆମ୍ବୁଲାନ୍ସକୁ ସଙ୍ଗେ ସଙ୍ଗେ ଯୋଗାଯୋଗ କରି ୩ଘଣ୍ଟା ବିତି ଯାଇଥିଲେ ସୁଦ୍ଧା ଆମ୍ବୁଲାନ୍ସ ମେଡ଼ିକାଲ ପରିସର ମଧ୍ୟରେ ରହିଥିଲେ ବି ଆସିନଥିବା ପରିବାର ଲୋକ ଅଭିଯୋଗ କରିଛନ୍ତି । ୧୦୮ ଆମ୍ବୁଲାନ୍ସକୁ କଲ୍ କରି ୩ଘଣ୍ଟା ବିତି ଯାଇଥିଲେ ସୁଦ୍ଧା ଆମ୍ବୁଲାନ୍ସ ରୋଗୀ ପାଖରେ ପହଞ୍ଚି ପାରି ନ ଥିବା ସୁଶିଲ ଅଭିଯୋଗ କରିଛନ୍ତି ।
ଆମ୍ବୁଲାନ୍ସ ବିଳମ୍ବ ଯୋଗୁଁ ପତ୍ନୀଙ୍କ ସ୍ବାସ୍ଥ୍ୟ ଅବସ୍ଥା ବିଗୁଡୁଥିବା ସେ ଅଭିଯୋଗ କହିଛନ୍ତି । ଏଭଳି ସ୍ଥଳେ ୧୦୮ସେବାକୁ ଆଉ ଭରସା କରୁ ନାହାନ୍ତି ରୋଗୀଙ୍କ ସମ୍ପର୍କୀୟ । ଆମ୍ବୁଲାନ୍ସ ବିଳମ୍ବ ଯୋଗୁଁ ସାଧାରଣରେ ଅସନ୍ତୋଷ ବୃଦ୍ଧି ପାଇଛି । ଏ ନେଇ ମେଡ଼ିକାଲ ଇନଚାର୍ଜ ଡ଼କ୍ଟର ଯାକେଶ ସାମନ୍ତରାୟ ଙ୍କୁ ପଚାରିବାରୁ ସେ କହିଲେ ୧୦୮ ଆମ୍ବୁଲାନ୍ସ ର ସର୍ଭର ଡାଉନ୍ ଯୋଗୁଁ ଏଭଳି ସମସ୍ୟା ହୋଇଛି ବୋଲି କହିଥିଲେ । ବାଲିଗୁଡା ରୁ ଅନ୍ୟ ଏକ ଆମ୍ବୁଲାନ୍ସ ପାଇଁ ୧୦୮ କୁ ଯୋଗାଯୋଗ ହୋଇଛି ବୋଲି କହିଥିଲେ ।
