କୋଲକାତା, ୧୬/୧୦ : ଇଣ୍ଡିଆନ୍ ମେଡିକାଲ୍ ଆସୋସିଏସନ ସହିତ ଯୁକ୍ତ ଜୁନିଅର ଡାକ୍ତରଙ୍କ ପକ୍ଷରୁ ମଙ୍ଗଳବାର ଦେଶବ୍ୟାପୀ ୧୨ ଘଣ୍ଟାର ଅନଶନର ଡାକରା ଦିଆଯାଇଥିଲା। ସାରା ଦେଶରେ ମେଡିକାଲ କଲେଜଗୁଡ଼ିକର କ୍ୟାମ୍ପସରେ ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଅନଶନରେ ବସିବାକୁ ସେମାନେ ଆହ୍ୱାନ ଦେଇଥିଲେ। ସେହିଭଳି ଦେଶର ଅନେକ ମେଡିକାଲ କଲେଜରେ ଆମରଣ ଅନଶନ କାର୍ଯ୍ୟକ୍ରମ ଆରମ୍ଭ ହୋଇଛି । ବାଙ୍କୁଡା ସମ୍ମିଳନୀ ମେଡିକାଲ କଲେଜରେ ଜୁନିଅର ଡାକ୍ତରଙ୍କ ଆମରଣ ଅନଶନ ମଧ୍ୟ ଆରମ୍ଭ ହୋଇଥିଲା।
ମଙ୍ଗଳବାର ସୁପ୍ରିମକୋର୍ଟରେ ପ୍ରଧାନ ବିଚାରପତିଙ୍କ ବେଞ୍ଚରେ ଆରଜି କର ମାମଲାର ଶୁଣାଣୀ ହୋଇଛି । ଆରଜି କର ମାମଲାର ଷଷ୍ଠ ଶୁଣାଣି ସୁପ୍ରିମକାର୍ଟରେ ହୋଇଛି । ମାମଲାର ଶୁଣାଣିରେ ମଙ୍ଗଳବାର ଜୁନିଅର ଡାକ୍ତରମାନେ ନଜର ରଖିଥିଲେ । ସରକାର ମଧ୍ୟ ଏହା ଉପରେ ନଜର ରଖିଥିଲେ । ତଦନ୍ତର ଅଗ୍ରଗତି ବିଷୟରେ ସିବିଆଇ କ'ଣ କହିବ ଜୁନିଅର ଡାକ୍ତର ଏବଂ ଆନ୍ଦାଳନକାରୀମାନେ ମଧ୍ୟ ନଜର ରଖିଥିଲେ । ମଙ୍ଗଳବାର ସହରରେ ଦୁଇଟି କାର୍ନିଭାଲ ଥିଲା । ଗୋଟିଏ, ରେଡ୍ ରୋଡ୍ରେ ପୂଜାର କାର୍ନିଭାଲ । ଦ୍ୱିତୀୟ, ଆରଜି କର କାଣ୍ଡର ପ୍ରତିବାଦରେ ରାଣୀ ରାସମଣୀ ରୋଡ୍ରେ ‘ବିଦ୍ରୋହେର କାର୍ନିଭାଲ' । ଦ୍ୱିତୀୟଟି ପାଇଁ ପୁଲିସର ଅନୁମତି ନାହିଁ । ରାଣୀ ରାସମଣୀ ରୋଡ୍ ଏବଂ ଏହାର ଆଖପାଖ ଅଞ୍ଚଳରେ ସମାବେଶକୁ ବାରଣ କରିବା ପାଇଁ କୋଲକାତା ପୁଲିସ ଦ୍ୱାରା ୧୬୩ ଧାରା ଜାରି କରାଯାଇଥିଲା । ତେବେ ଏହି ବିଦ୍ରୋହ ଜୁନିୟର ଡାକ୍ତରଙ୍କ ଦ୍ୱାରା ଡକାଯାଇନାହିଁ । ଏହାକୁ ବରିଷ୍ଠ ଡାକ୍ତରଙ୍କ ସଂଗଠନ ନାମକ ଜଏଣ୍ଟ ପ୍ଲାଟଫର୍ମ ଅଫ୍ ଡକ୍ଟର୍ସ ଡାକିଛନ୍ତି ।
