ମାଲକାନଗିରି, ୧୯/୦୬ : ଭୁଶୁଡ଼ୁଛି ଲାଲଗଡ଼। ଅସ୍ତ୍ର ଛାଡ଼ିଲେ ୧୨ ହାର୍ଡକୋର୍ ମାଓବାଦୀ। ମାଲକାନଗିରି ଜିଲ୍ଲା ସୀମାନ୍ତ ତେଲେଙ୍ଗାନାର ଭଦ୍ରାଦ୍ରୀ କୋତାଗୁଡ଼େମ ଜିଲ୍ଲା ଏସପିଙ୍କ ନିକଟରେ ୧୨ ମାଓବାଦୀ ଆତ୍ମସମର୍ପଣ କରିଛନ୍ତି। ସେମାନଙ୍କୁ ମୁଖ୍ୟ ସ୍ରୋତରେ ସାମିଲ କରାଯିବା ସହ ସରକାରଙ୍କ ତରଫରୁ ପ୍ରୋତ୍ସାହନ ରାଶି ଯୋଗାଇ ଦିଆଯିବ ବୋଲି ଭଦ୍ରାଦ୍ରୀ କୋତାଗୁଡ଼େମ ଜିଲ୍ଲା ଏସପି ରୋହିତ ରାଜ ସୂଚନା ଦେଇଛନ୍ତି। ଅନ୍ୟ ମାଓବାଦୀ ମଧ୍ୟ ଜଙ୍ଗଲରେ ନରହି ହିଂସା ଛାଡି ଆତ୍ମସମର୍ପଣ କରି ମୁଖ୍ୟସ୍ରୋତରେ ସାମିଲ ହେବାକୁ ଆହ୍ୱାନ ଦେଇଛନ୍ତି।
ମାଓ ପ୍ରବଣ ଅଞ୍ଚଳରେ ନୂତନ ସୁରକ୍ଷା ଶିବିର ପ୍ରତିଷ୍ଠା ହୋଇଛି। ଏଥି ସହିତ ସରକାରଙ୍କ ବିକାଶମୁଖୀ କାର୍ଯ୍ୟ ଗାଁ ରାସ୍ତା, ପରିବହନ ସୁବିଧା, ପାଣି, ବିଦ୍ୟୁତ ସହ ସରକାରଙ୍କ ଜନ କଲ୍ୟାଣକାରୀ ଯୋଜନା ଦୁର୍ଗମ ଅଞ୍ଚଳର ଗରିବ ଆଦିବାସୀ ଲୋକଙ୍କ ପାଖରେ ପହଞ୍ଚିବା ଆରମ୍ଭ କରିଛି । ତେଣୁ ସରକାରଙ୍କ ଆତ୍ମସମର୍ପଣ ଏବଂ ପୁନର୍ବାସ ନୀତିରେ ଖୁସି ହୋଇ ଏହି ମାଓବାଦୀମାନେ ପୁଲିସ ନିକଟରେ ଆତ୍ମସମର୍ପଣ କରୁଛନ୍ତି । ସମାଜର ମୁଖ୍ୟ ସ୍ରୋତରେ ସାମିଲ ହୋଇଥିବା ମାଓବାଦୀମାନଙ୍କୁ ପ୍ରୋତ୍ସାହନ ରାଶି ପ୍ରଦାନ କରାଯାଉଛି । ସେମାନଙ୍କୁ ଥଇଥାନ କରାଯାଉଛି।
