ସମ୍ବଲପୁର,୧।୧ ; ଧମା ଥାନା ଅନ୍ତର୍ଗତ ବତେମୁରା ଅଞ୍ଚଳରେ ମର୍ମନ୍ତୁଦ ସଡ଼କ ଦୁର୍ଘଟଣା l  ଭାରସାମ୍ୟ ହରାଇ ଗଛରେ ପିଟି ହେଲା ସ୍କର୍ପିଓ l ଦୁର୍ଘଟଣା ରେ ୧୨ ଜଣ ଆହତ ହୋଇଛନ୍ତି l ଆହତଙ୍କ ମଧ୍ୟରେ ୪ଜଣ ଛୋଟ ପିଲା ରହିଛନ୍ତି l ଆହତଙ୍କ ମଧ୍ୟରୁ ଦୁଇ ଜଣ ପୁରୁଷ ଓ ଦୁଇ ଜଣ ମହିଳାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଭୀମସାର ସ୍ଥାନାନ୍ତର କରାଯାଇଛି l

ସୁବର୍ଣ୍ଣପୁର ସାଗରପାଲି ରୁ ସମ୍ବଲପୁର ସମଲେଶ୍ୱରୀ ମନ୍ଦିର ଦର୍ଶନ କରିବା ପାଇଁ ୪ ଜଣ ସାଙ୍ଗ ତାଙ୍କ ପରିବାର ସହ ଏକ ସ୍କର୍ପିଓ ରେ ସମ୍ବଲପୁର ଆସୁଥିଲେ।ତେବେ ଗାଡି ଚାଳକଙ୍କ ଆଖି ଲାଗି ଯାଇଥିଲା l ଯାହାଫଳରେ ବତେମୁରା ରେ ଗାଡିଟି  ମାଟି ଉପରକୁ ଚଢି ଯାଇ ରାସ୍ତା କଡରେ ଥିବା ଏକ ଗଛ କୁ ଧକ୍କା ଦେଇଥିଲା l ଗାଡ଼ିରେ ୪ ଜଣ ପୁରୁଷ, ୪ ଜଣ ମହିଳା ଓ ୪ ଜଣ ଛୋଟ ଛୁଆ ରହିଥିଲେ l ଆହତ ମାନଙ୍କୁ ତୁରନ୍ତ ସମ୍ବଲପୁର ଜ଼ିଲ୍ଲା ମୂଖ୍ୟ ଚିକିତ୍ସାଳୟ କୁ ଅଣାଯାଇଥିଲା। ତେବେ ଆହତଙ୍କ ମଧ୍ୟରୁ ଦୁଇ ଜଣ ପୁରୁଷ ଓ ଦୁଇ ଜଣ ମହିଳାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୁର୍ଲା ଭୀମସାର ସ୍ଥାନାନ୍ତର କରାଯାଇଛି l