କୁକୁଡାଖଣ୍ଡି,୨୫/୦୫: ଗଞ୍ଜାମ ଜିଲ୍ଲା ଦିଗପହଣ୍ଡି ନିର୍ବାଚନ ମଣ୍ଡଳୀ କୁକୁଡାଖଣ୍ଡି ବ୍ଲକ ଅନ୍ତର୍ଗତ ରୋହିଗାଁର ନଳିହାଡ଼ ଗାଁରେ 'ମନ୍ କି ବାତ୍' କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମ ଦିଗପହଣ୍ଡି ନିର୍ବାଚନ ମଣ୍ଡଳୀର ବିଧାୟକ ଡ. ସିଦ୍ଧାନ୍ତ ମହାପାତ୍ରଙ୍କ ନିର୍ଦ୍ଦେଶନା ଓ ବିଜେପି ସକ୍ରିୟ କର୍ମୀ ସନାତନ ସଂଗ୍ରାମ ସିଂଙ୍କ ନେତୃତ୍ୱରେ ଅନୁଷ୍ଠିତ ହୋଇଛି ।
ସୂଚନା ମୁତାବକ, ପ୍ରତି ମାସ ଶେଷ ରବିବାରରେ ପ୍ରଧାନମନ୍ତ୍ରୀଙ୍କ 'ମନ୍ କି ବାତ୍' କାର୍ଯ୍ୟକ୍ରମ ଅନୁଷ୍ଠିତ ହୋଇଥାଏ । ସେହି ଅନୁସାରେ, ଆଜି ଅର୍ଥାତ୍ ରବିବାର ନଳିହାଡ ଗାଁର କୋଠଘର ଠାରେ ଆଭାସୀ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ମନର କଥା କର୍ମୀଙ୍କୁ ଶୁଣାଇଥିଲେ । ପ୍ରଧାନମନ୍ତ୍ରୀ ଦେଶର ବିକାଶ ଉପରେ ଚିନ୍ତା କରୁଥିବା ନେଇ ସନାତନ ସଂଗ୍ରାମ ସିଂ କହିଛନ୍ତି । ଏହାଛଡ଼ା ବିଜେପି ସରକାରଙ୍କ ଉନ୍ନୟନ ମୂଳକ କାର୍ଯ୍ୟ ଉପରେ ପ୍ରଧାନମନ୍ତ୍ରୀ ଆଭାସୀ ମଧ୍ୟରେ କର୍ମୀଙ୍କୁ ଜଣାଇଛନ୍ତି । ଏହି କାର୍ଯ୍ୟକ୍ରମରେ ମଣ୍ଡଳ ସଭାପତି ଲଳିତ ମୋହନ ବିଷୋୟୀ, ୭୬ ନମ୍ବର ବୁଥ୍ ସଭାପତି ଲିଲି ସଂଗ୍ରାମ ସିଂ, ଯୁବ ନେତା ଫକୀର ଚରଣ ବେହେରା, ସିମାଞ୍ଚଳ ଦାସ, ପବିତ୍ର ସ୍ୱାଇଁ, ନିରଞ୍ଜନ ସ୍ୱାଇଁ, ଉଦୟ ଲେଙ୍କା, ସବିତା ବିଷୋୟୀ, ଜୟ ବିଷୋୟୀ ସହ ବହୁ ବିଜେପି କର୍ମୀ ଉପସ୍ଥିତ ରହିଥିଲେ।
