ଭୋଗରାଇ,୧୦/୦୧: ବ୍ରାଉନସୁଗାର ଚଢାଉ କରିବାକୁ ଯାଇଥିବା ବେଳେ ଅବକାରୀ ବିଭାଗ କର୍ମଚାରୀଙ୍କୁ ଆକ୍ରମଣ କରି ଗାଡି ଚାବି ଛଡାଇବା ଏବଂ ଅଟକ ରଖିବା ଘଟଣାରେ ଆଉ ଦୁଇଜଣ ଗିରଫ ହୋଇଛନ୍ତି । ଘଟଣାର ମୁଖ୍ୟ ମହିଳା ଅଭିଯୁକ୍ତ ମଲ୍ଲିକା ଏବଂ ଅନ୍ୟ ଜଣେ ସହଯୋଗୀକୁ ଗିରଫ କଲା ପୋଲିସ । ବାଲେଶ୍ୱର ଜିଲ୍ଲା ଭୋଗରାଇ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଗତବର୍ଷ ଡିସେମ୍ୱର ୨୩ ତାରିଖରେ କମର୍ଦ୍ଦା ଥାନା ଅନ୍ତର୍ଗତ କମର୍ଦ୍ଦା ବଜାର ନିକଟରେ ବ୍ରାଉନସୁଗାର ବେପାର ହେଉଥିବା ଖବର ପାଇଁ ଅବକାରୀ ବିଭାଗର ଏକ ଟିମ୍ ଚଢ଼ାଉ କରିଥିଲା । ଏହି ସମୟରେ ଅବକାରୀ ଟିମ୍ ଉପରକୁ ଦୁର୍ବୃତ୍ତମାନେ ଆକ୍ରମଣ କରିଥିଲେ । ଘଟଣାର ତଦନ୍ତ କରି ୧୦ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଥିଲା । ତେବେ ବର୍ତ୍ତମାନ ଏହି ଘଟଣାର ମୁଖ୍ୟ ମହିଳା ଅଭିଯୁକ୍ତ ଏବଂ ଜଣେ ସହଯୋଗୀକୁ ପୋଲିସ ଗିରଫ କରିଛି ।
