କେ.ପରମାଣପୁର,୧୯/୦୮(ଆ.ପ୍ର)- ଝାରସୁଗୁଡ଼ା ଜିଲ୍ଲା କୋଲାବିରା ଥାନା ପରମାଣପୁର ପଞ୍ଚାୟତ ଅଧିନସ୍ଥ କାଲି ବାହାଲ ଗ୍ରାମରେ ମଙ୍ଗଳବାର ବଜ୍ରପାତ ଘଟି ୨ ଜଣ ଯୁବକଙ୍କ ମୃତ୍ୟୁ ହୋଇଛି l ମୃତକ ହେଲେ ଏହି କାଲିବାହାଲ ଗ୍ରାମର ବୀର କିସାନ(୪୫) ଓ ଦୁଖବନ୍ଧୁ ମାଝୀ(୨୦) l 

ବୀର ନିଜ ଜମିରେ ଧାନ ଚାଷରେ ମେଡ଼ିସିନ ଦେବାକୁ ଯାଇଥିଲେ l ତାଙ୍କ ସହ  ଶଙ୍କର ମାଝୀଙ୍କ ସାନ ପୁଅ ଦୁଃଖବନ୍ଧୁ  ଟ୍ରାକ୍ଟରରେ ଜମି ଯୋତିବା ପାଇଁ ଯାଇଥିଲେ l ଏହି ସମୟରେ ହଠାତ୍ ଏକ କଳା ମେଘ ଘୋଟି ଆସି ବର୍ଷା ହୋଇଥିଲା l ବୀର ଓ ଦୁଃଖବନ୍ଧୁ ଏକ ମହୁଲ ଗଛ ତଳେ ଆଶ୍ରୟ ନେଇଥିଲେ l ତେବେ ହଠାତ୍ ବଜ୍ରପାତ ଘଟି ମହୁଲ ଗଛରେ ପଡ଼ିଥିଲା l ଉଭୟେ ଗଛ ତଳେ ଟଳି ପଡ଼ିଥିଲେ l ତାଙ୍କୁ ଉଦ୍ଧାର କରାଯାଇ ଡାକ୍ତରଖାନା ନିଆଯାଇଥିଲା l ମାତ୍ର ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ l କୋଲାବିରା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଶବକୁ ଜବତ୍ କରି ପୋଷ୍ଟମର୍ଟମ ପାଇଁ ପଠାଇଛି l