ନୂଆଦିଲ୍ଲୀ: ଅହମଦାବାଦର ଏକ ଏସି ଗୋଦାମରେ ସିରିଜ ବିସ୍ଫୋରଣ ଘଟିଛି। ଏହି ଭୟଙ୍କର ଅଗ୍ନିକାଣ୍ଡରେ ୨ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି । ଏହି ଘଟଣାଟି ସହରର ଜୀବରାଜ ପାର୍କର ଜ୍ଞାନଦା ସୋସାଇଟିରେ ଘଟିଥିବା ରିପୋର୍ଟ କରାଯାଉଛି। ଘଟଣାସ୍ଥଳରେ ୪ରୁ ଅଧିକ ଦମକଳ ଗାଡ଼ି ଉପସ୍ଥିତ ଅଛନ୍ତି।
ଏହି ଦୁର୍ଘଟଣାରେ ଜଣେ ମହିଳା ଏବଂ ଜଣେ ଶିଶୁର ମୃତ୍ୟୁ ହୋଇଛି। ଏକ ଆବାସିକ କୋଠାରେ ଚାଲିଥିବା ଏକ ବାଣିଜ୍ୟିକ ୟୁନିଟରେ ସିଲିଣ୍ଡର ବିସ୍ଫୋରଣ ଯୋଗୁଁ ଅଗ୍ନିକାଣ୍ଡ ଘଟିଥିବା କୁହାଯାଉଛି। ଏସି ଗୋଦାମରେ ବୋତଲ ଫାଟିବା ଫଳରେ ନିକଟସ୍ଥ ଘର, ଯାନବାହାନ ଏବଂ ଅନ୍ୟାନ୍ୟ ଅଞ୍ଚଳରେ ମଧ୍ୟ କ୍ଷତି ଘଟିଛି।
ଯଦିଓ ନିଆଁ ଏବେ ନିୟନ୍ତ୍ରଣକୁ ଆସିଛି, କିନ୍ତୁ ବିସ୍ଫୋରଣର ଶବ୍ଦରେ ଲୋକମାନେ ଭୟଭୀତ ହୋଇଯାଇଛନ୍ତି। ଅଗ୍ନିଶମ ବିଭାଗର ଜଣେ ଅଧିକାରୀଙ୍କ ଅନୁଯାୟୀ, ଆହତ ମାନେ ଗୁରୁତର ଆଘାତ ପାଇଛନ୍ତି । ନିଆଁକୁ ନିୟନ୍ତ୍ରଣ କରାଯାଇଛି।
