ଆନନ୍ଦପୁର,୧୦।୧୧ :  ଟାର୍ଗେଟ୍ ରେ ଥିଲେ ଅନ୍ଯ ଜଣେ ।   ହେଲେ ନିଶା ଯୋଗୁଁ ଗାଡି ଚଢାଇ ମାରିଦେଲେ ନିଜ ସମ୍ପର୍କିୟ ୨ ଜଶଙ୍କୁ । ଏମିତି ଘଟଣା ଘଟିଛି ଘଷିପୁରା ଥାନା ନଦୁଆ ଗ୍ରାମରେ। ମୃତକ ଘଷିପୁରା ଥାନା ନଦିଆଁ ଗାଁର ପାଣୁ ପୃଷ୍ଟି ଓ ସଞ୍ଜୁ ପଲ୍ଲେଇ ।  ଘଟଣା ଘଟାଇବା ପରେ ଟ୍ରକ୍ ଛାଡି ଅଭିଯୁକ୍ତ ଡ୍ରାଇଭର ଭଞ୍ଜ ପୃଷ୍ଟି ଫେରାର ହୋଇଯାଇଛି।

ନଦୁଆ ଗ୍ରାମର ସଞ୍ଜୁ ପଲେଇଙ୍କ ଘରକୁ ଜଣେ ସମ୍ପର୍କୀୟ ଆସିଥିଲେ।   କୌଣସି ଘଟଣାକୁ ନେଇ ସଞ୍ଜୁ ପଲେଇଙ୍କ ସମ୍ପର୍କୀୟ ପୁତୁରା ଟ୍ରକ୍ ଚାଳକ ଭଞ୍ଜ ପୃଷ୍ଟିଙ୍କ ସହ   ବଚସା ହୋଇଥିଲା। ନିଶାରେ ଥିବା    ଭଞ୍ଜ ପୃଷ୍ଟି ଉତକ୍ଷିପ୍ତ ହୋଇ  ଡମ୍ଫର ଚଢାଇ ସମ୍ପର୍କୀୟକୁ ହତ୍ୟା କରିବାକୁ ଧମକ ଦେଇଥିଲେ । ହଠାତ୍ ଭଞ୍ଜ ନିଜ ଡ୍ରମ୍ପର ଧରି ମାଡି ଆସିଥିଲେ । ଏହି ସମୟରେ   ଭଞ୍ଜଙ୍କ ସମ୍ପର୍କୀୟ ଜେଜେବାପା ପାଣୁ  ପୃଷ୍ଟି ସାମ୍ନାକୁ ଆସିଯାଇଥିଲେ। ଭଞ୍ଜ ନିଶାରେ ଥିବାରୁ ପାଣୁଙ୍କ ଉପରେ ଡମ୍ଫର ଚଢାଇ ଦେଇଥିଲେ । ଏହି ସମୟରେ ସଞ୍ଜୁ ପଲେଇ ମଧ୍ୟ ସାମ୍ନା କୁ ଆସି ଯିବାରୁ ତାଙ୍କୁ ମଧ୍ୟ ଗାଡି ଚଢାଇ ଦେଇଥିଲେ। ଘଟଣା ସ୍ଥଳରେ ପାଣୁ ପୃଷ୍ଟି ଏବଂ ସଞ୍ଜୁଲତା ପଲେଇଙ୍କର ମୃତ୍ୟୁ ହୋଇଥିଲା। ଗ୍ରାମବାସୀ ମଦ୍ୟପ ଡ୍ରାଇଭର ଭଞ୍ଜ ପୃଷ୍ଟି କୁ ଅଟକ ରଖିଥିଲେ। ଖବର ପାଇ ଘଷିପୁରା ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତ ଡ୍ରାଇଭର ଭଞ୍ଜ ପୃଷ୍ଟି କୁ ଥାନାକୁ ଆଣି ଘଟଣାର  ତଦନ୍ତ କରୁଛି।