କୋରାପୁଟ, ୦୬/୧୨: ଉତ୍ତରପ୍ରଦେଶକୁ ଗଞ୍ଜେଇ ଚୋରାଚାଲାଣ ହେଉଥିବା ବେଳେ ମାଡ଼ି ବସିଲା ପୋଲିସ । କୋରାପୁଟ ରେଲୱେ ଷ୍ଟେସନରୁ ୨ ଜଣ ଛାତ୍ର ଗିରଫ । ଗିରଫ ହୋଇଥିବା ଛାତ୍ରଙ୍କ ମଧ୍ୟରୁ ଜଣେ ଉତ୍ତରପ୍ରଦେଶର ମନିଷ ଘୋରେଇ ଡାକ୍ତରଖାନାରେ କାର୍ଯ୍ୟରତ ଥିବା ବେଳେ ଅନ୍ୟଜଣେ ଉତ୍ତରାଖଣ୍ଡର ମୁନସିବ ବୋଲି ଜଣାପଡିଛି । ସେମାନଙ୍କ ନିକଟରୁ ଗଞ୍ଜେଇ ଭର୍ତ୍ତି ଦୁଇ ବ୍ୟାଗରେ ମୋଟ ୭ଟି ପ୍ୟାକେଟରେ ୪୦ କେଜିରୁ ଉର୍ଦ୍ଧ୍ୱ ଗଞ୍ଜେଇ ଜବତ କରାଯାଇଛି ।
ସୂଚନା ମୁତାବକ, ୨ ଜଣ ଛାତ୍ର ଦୁଇଟି ଗଞ୍ଜେଇ ଭର୍ତ୍ତି ବ୍ୟାଗ୍ ଧରି କୋରାପୁଟ ରେଲୱେ ଷ୍ଟେସନ ଠାରେ ରାୟଗଡା ପାସେଞ୍ଜର ଟ୍ରେନରେ ଚଢୁଥିଲେ । ଏହି ସମୟରେ ସନ୍ଦେହ କରି ଯାଞ୍ଚ କରିଥିଲା ଜିଆରପି । ଯାଞ୍ଚ କରି ସେମାନଙ୍କ ପାଖରୁ ଦୁଇଟି ବ୍ୟାଗ୍ରେ ୭ଟି ପ୍ୟାକେଟ ବାହାରିଥିଲା । ଉକ୍ତ ପ୍ୟାକେଟରୁ ୪୦ କେଜିରୁ ଉର୍ଦ୍ଧ୍ୱ ଗଞ୍ଜେଇ ଜବତ କରିଥିଲା ପୋଲିସ । ଘଟଣାରେ ସମ୍ପୃକ୍ତ ଥିବା ଦୁଇ ଜଣ ଛାତ୍ରଙ୍କୁ ଜିଆରପି ଗିରଫ କରିଛି । ଗିରଫ ହୋଇଥିବା ଛାତ୍ରଙ୍କ ମଧ୍ୟରୁ ଜଣେ ଉତ୍ତରପ୍ରଦେଶର ମନିଷ ଘୋରେଇ ଡାକ୍ତରଖାନାରେ କାର୍ଯ୍ୟରତ ଥିବା ବେଳେ ଅନ୍ୟଜଣେ ଉତ୍ତରାଖଣ୍ଡର ମୁନସିବ ବୋଲି ସୂଚନା ମିଳିଛି ।
