ମୁମ୍ବାଇ, ୩/୧୧ : ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କୁ ଧମକ ଘଟଣାରେ ଜଣେ ମହିଳା ଅଟକ । ମୁମ୍ବାଇ ପୋଲିସ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥଙ୍କୁ ଜୀବନରୁ ମାରିଦେବାକୁ ଧମକ ଅଭିଯୋଗରେ ୨୪ବର୍ଷୀୟ ମହିଳାଙ୍କୁ ନିଜ ହେପାଜତକୁ ନେଇଛି । ମହିଳାଙ୍କ ନାଁ ଫାତିମା ଖାନ୍ ଅଟେ । ମହିଳା ଜଣଙ୍କ ବହୁ ପାଠ ପଢିଥିବାବେଳେ ପୋଲିସ ସୂତ୍ରରୁ ଜଣାପଡ଼ିଛି କି ସେ ମାନସିକ ସ୍ତରରେ କମଜୋର ଅଟନ୍ତି।
ପ୍ରକାଶ ଯେ, ମୁମ୍ବାଇ ପୋଲିସର ହ୍ବାଟ୍ସଅପ ନମ୍ବରରେ ଶନିବାର ଏକ ଅଜଣା ନମ୍ବରରୁ କଲ୍ ଆସିଥିଲା । ଯେଉଁଥିରେ ଏକ ଧମକପୂର୍ଣ୍ଣ ବାର୍ତ୍ତା ଥିଲା । ଧମକ ଦିଆଯାଇଥିଲା କି ଯଦି ଯୋଗୀ ଆଦିତ୍ୟନାଥ ୧୦ଦିନ ଭିତରେ ସିଏମ୍ ପଦରୁ ଇସ୍ତଫା ଦେବେ ନାହିଁ ତ ତାଙ୍କୁ ଏନସିପି ନେତା ବାବା ସିଦ୍ଦିକିଙ୍କ ଭଳି ମାରି ଦିଆଯିବ । ପୋଲିସକୁ ଯାଞ୍ଚ ସମୟରେ ଜଣାପଡ଼ିଥିଲା କି ଫାତିମା ଖାନ୍ ଏହି ମେସେଜ ପଠାଇଛନ୍ତି ।
ଏହି ଅଜଣା କଲ୍ ପ୍ରଥମେ ମୁମ୍ବାଇ ପୋଲିସ କଣ୍ଟେ୍ରାଲ ରୁମକୁ ଆସିଥିଲା । ପରେ ଏହାର ସୂଚନା ମୁମ୍ବାଇ ପୋଲିସ ଉତ୍ତରପ୍ରଦେଶ ପୋଲିସକୁ ଦେଇଥିଲା । ଏହାପରେ ପୋଲିସ ଏହି ମାମଲାରେ ତତ୍ପରତା ଦେଖାଇ ଯାଞ୍ଚ ଆରମ୍ଭ କରିଦେଇଛି । ଆବଶ୍ୟକ ପଡ଼ିଲେ ମୁମ୍ବାଇ ପୋଲିସ ସହଯୋଗ ନିଆଯିବ ।
