ମାର୍ଶାଘାଇ,୨।୧୧ : କୁଦାନଗରି ଥାନା ଗୌଡଗାଁରେ ପାରିବାରିକ ଗଣ୍ଡଗୋଳର କରୁଣ ପରିଣତି । ସ୍ତ୍ରୀ, ଝିଅ ଓ ଭଣଜାଙ୍କୁ ଟାଙ୍ଗିଆରେ ଆକ୍ରମଣ । ଟାଙ୍ଗିଆ ଚୋଟରେ ତିନି ଜଣ ଗୁରୁତର ହୋଇଛନ୍ତି। ଗୁରୁତର ଅବସ୍ଥାରେ ସମସ୍ତଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି।
କୁଦାନଗରି ଥାନା ଗୌଡଗାଁରେ ପାରିବାରିକ ଗଣ୍ଡଗୋଳକୁ ନେଇ ରମେଶ ମହାନ୍ତି ନିଜ ସ୍ତ୍ରୀ ସୁସମା ମହାନ୍ତି ଓ ଝିଅ ପ୍ରିୟଦର୍ଶିନୀଙ୍କୁ ଟାଙ୍ଗିଆରେ ଆକ୍ରମଣ କରିଥିଲେ। ଏହି ସମୟରେ ଭଣଜା ଶିଳ୍ପୀ ମାମୁଁଙ୍କୁ ଧରିବାକୁ ଯାଇ ସେ ମଧ୍ୟ ଆକ୍ରମଣର ଶିକାର ହୋଇଥିଲେ। ଟାଙ୍ଗିଆ ଚୋଟରେ ସୁସମା, ପ୍ରିୟଦର୍ଶନୀ ଓ ଶିଳ୍ପୀ ଗୁରୁତର ହୋଇଥିଲେ। ସମସ୍ତଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରୁ କଟକ ବଡ ଡାକ୍ତରଖାନା ସ୍ଥାନାନ୍ତର କରାଯାଇଛି। ଆକ୍ରମଣ ପରେ ଘଟଣା ସ୍ଥଳରୁ ରମେଶ ଫେରାର ହୋଇଯାଇଛି।
