ରାଜଗାଙ୍ଗପୁର, ୨୬।୭- ସୁନ୍ଦରଗଡ ଜିଲ୍ଲା ରାଜଗାଙ୍ଗପୁରରେ ବେଆଇନ ଚୋରା ପଥର ଚାଲାଣ ଚାଲିଥିବା ଖବର ପାଇ ରାଉରକେଲା ଖଣି ବିଭାଗ ସହ ରାଜଗାଙ୍ଗପୁର ପୁଲିସ ମିଳିତ ଭାବେ ଚଢଉ କରି ରାଜଗାଙ୍ଗପୁର ମାଟି ଗେଟରେ ୪ଟି ଗାଡିକୁ ଜବତ କରିଛି । ଜବତ ଗାଡି ମଧ୍ୟରେ ୨ ଟି ପଥର ବୋଝେଇ ଗାଡି ରହିଥିବା ବେଳେ ୨ଟି ଖାଲି ଗାଡି ରହିଥିବା ରାଜଗାଙ୍ଗପୁର ଏସଡିପିଓ ବିଭୁତି ଭୂଷଣ ଭୋଇ ସୂଚନା ଦେଇଛନ୍ତି ।
ଉକ୍ତ ଘଟଣାରେ ରାଜଗାଙ୍ଗପୁର ପୁଲିସ ସହାୟତାରେ ରାଉରକେଲା ଖଣି ଉପ ନିର୍ଦେଶକ ରାଜଗାଙ୍ଗପୁର ଗର୍ଭଣା ପଞ୍ଚାୟତ ପଦା ଜାମପାଲି ସ୍ଥିତ ଏକ ପଥର କ୍ରସର ପ୍ଲାଣ୍ଟରେ ପହଞ୍ଚି ଯାଞ୍ଚ କରିଛନ୍ତି । ଏ ବାବଦରେ ରାଉରକେଲା ଉପ ଖଣି ବିଭାଗର ଉପ ନିର୍ଦେଶକଙ୍କୁ ପଚାରିବାରୁ ସେ କିଛି କହି ନ ଥିଲେ ।
