ନୂଆଦିଲ୍ଲୀ, ୨୪/୦୨: ଚତୁର୍ଥ ପର୍ଯ୍ୟାୟରେ ଆମେରିକାରୁ ଫେରିଛନ୍ତି ଆଉ ୧୨ ଜଣ ଅବୈଧ ପ୍ରବାସୀ ଭାରତୀୟ । ତୁର୍କୀ ଏୟାର ଲାଇନ୍ସର ଏକ ବିମାନ ସେମାନଙ୍କୁ ଧରି ରବିବାର ନୂଆଦିଲ୍ଲୀ ବିମାନବନ୍ଦରରେ ଅବତରଣ କରିଛି । ଆମେରିକାରୁ ପ୍ରଥମେ ସେମାନଙ୍କୁ ପାନାମା ନିଆଯାଇଥିଲା ଏବଂ ସେଠାରୁ ଭାରତକୁ ଅଣାଯାଇଥିଲା । ଏହି ୧୨ ଜଣଙ୍କ ମଧ୍ୟରୁ ଅମୃତସରର ୪ ଜଣ ଥିବା ବେଳେ ହରିୟାଣା ଓ ଉତ୍ତରପ୍ରଦେଶର ୩ ଜଣ ଲେଖାଏ ଜଣାପଡିଛି । ଅନ୍ୟ ଜଣଙ୍କର ପରିଚୟ ଜଣାପଡିନାହିଁ ।
ଦିଲ୍ଲୀରେ ପହଞ୍ଚିବା ପରେ ସେମାନଙ୍କୁ ନିଜ ନିଜ ଘରକୁ ପଠାଇ ଦିଆଯାଇଛି । ପ୍ରାୟ ୩୦୦ ଅବୈଧ ପ୍ରବାସୀଙ୍କୁ ଆମେରିକାରୁ ନିଆଯାଇ ପାନାମାର ଏକ ହୋଟେଲରେ ରଖାଯାଇଛି । ସେମାନଙ୍କ ଭିତରେ ଥିବା ଭାରତୀୟଙ୍କୁ ଫେରାଇ ଆଣିବା ଲାଗି ଆବଶ୍ୟକ ପଦକ୍ଷେପ ନିଆଯାଉଛି । ଜାନୁଆରୀ ୨୦ ତାରିଖରେ ଡୋନାଲ୍ଡ ଟ୍ରମ୍ପ ରାଷ୍ଟ୍ରପତି ଭାବେ ଶପଥ ନେବା ପରେ ଅବୈଧ ପ୍ରବାସୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କରିଛନ୍ତି ।
