ସାଲେପୁର,୧୮/୩ : ପାଞ୍ଚ ଆନ୍ତ ରାଜ୍ୟ ଡକାୟତ ଗିରଫ । ସାଲେପୁର ଏସଡିପିଓଙ୍କ ନେତୃତ୍ଵରେ ବିଭିନ୍ନ ଥାନା ଅଧିକାରୀଙ୍କ ସହଯୋଗରେ ଚଢଉ କରାଯାଇ ୫ ଡକାୟତଙ୍କୁ ଧରିବା ସହ ସୁନା ଅଳଙ୍କାର ଟଙ୍କା ଓ ବିଭିନ୍ନ ସାମଗ୍ରୀ ଜବତ। ଏ ନେଇ ପ୍ରେସମିଟରେ ସୂଚନା ଦେଇଛନ୍ତି ଗ୍ରାମାଞ୍ଚଳ ଏସପି ପ୍ରତୀକ ସିଂ।
କଟକ ଜିଲ୍ଲା ଭଦେରେଶ୍ୱର ଥାନା ଏରକଣା ରମେଶ ସାହୁଙ୍କ ସୁନା ଗହଣା ଚୋରୀ ଘଟଣାରେ ଥାନାରେ ଲିଖିତ ଅଭିଯୋଗ ପରେ ଭଦରେଶ୍ୱର ଥାନା ଆଇଆଇସି କେଶ ନଂ ୪୧/୨୫ରେ ଏକ ମାମଲା ରୁଜୁ କରିଥିଲେ। ଏହି ଘଟଣାରେ ସାଲେପୁର ଏସଡିପିଓଙ୍କ ନେତୃତ୍ବରେ ନିଶ୍ଚିନ୍ତକୋଇଲି ଆଇଆଇସି, ସାଲେପୁର ଆଇଆଇସି, ମାହାଙ୍ଗା ଆଇଆଇସି, ଭଦରେଶ୍ୱର ଆଇସି ଚଢ଼ଉ କରି କେନ୍ଦ୍ରାପଡା ଜିଲ୍ଲାରୁ ୫ଜଣଙ୍କୁ ଗିରଫ କରିବା ସହ ସେମାନଙ୍କଠାରୁ ୨୫୩ ଗ୍ରାମ ସୁନା ୨୧୦ ଗ୍ରାମ ରୂପା ୨ଟି ମୋବାଇଲ ଜବତ କରାଯାଇଛି।
ସୁନା ଓ ରୂପା ଅଳଙ୍କାର ଗୁଡ଼ିକୁ ମୁଖ୍ୟ ଅଭିଯୁକ୍ତ ବିକାଶ ଦାସଙ୍କ ସହଯୋଗରେ ମୁଥୁଟ ବ୍ୟାଙ୍କରେ ବନ୍ଧକ ଥୋଇ ଟଙ୍କା ଆଣିଥିବାବେଳେ ସେ ସବୁ ଅଳଙ୍କାର ଗୁଡ଼ିକୁ ବ୍ୟାଙ୍କରୁ ସିଜର କରିଥିବା ନେଇ ସୂଚନା ଦେଇଛନ୍ତି ଏସପି। ଅଭିଯୁକ୍ତମାନେ ହେଲେ କେନ୍ଦ୍ରାପଡ଼ା ଜିଲ୍ଲା ଡେରାବିଷ ଥାନା ଅଂଚଳର ବିକାଶ ଦାସ, ପଟ୍ଟାମୁଣ୍ଡାଇ ଥାନା ଅଞ୍ଚଳର କୁନା ଦାସ, କେନ୍ଦ୍ରାପଡ଼ା ଥାନା ଅଞ୍ଚଳର ଦେବାସିସି ସାହୁଙ୍କ ସହ ଅନ୍ୟ ଦୁଇ ଜଣ ଅଭିଯୁକ୍ତଙ୍କୁ ମଧ୍ୟ ଗିରଫ କରାଯାଇଛି।
ଗିରଫ ଅଭିଯୁକ୍ତଙ୍କ ନାମରେ କଟକ, କେନ୍ଦ୍ରାପଡ଼ା, ଜଗତସିଂହପୁର, ଯାଜପୁର ଅଞ୍ଚଳର ବିଭିନ୍ନ ଥାନାରେ ଏକାଧିକ ମାମଲା ଥିବା ସୂଚନା ମିଳିଛି। ଏହି ଘଟଣାରେ ଅନ୍ୟ ଅଭିଯୁକ୍ତ ମାନଙ୍କୁ ମଧ୍ୟ ଖୁବଶୀଘ୍ର ଗିରଫ କରାଯିବ ବୋଲି ସମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଗ୍ରାମଞ୍ଚଳ ଏସ୍ପି ପ୍ରତୀକ ସିଂ।
