ନୂଆଦିଲ୍ଲୀ ୨୯/୧୦: କିଛି ଶହ ବର୍ଷ ପୂର୍ବେ, ମଣିଷ କଳ୍ପନା ମଧ୍ୟ କରିପାରୁ ନଥିଲା ଯେ ସେ ଦିନେ ଆକାଶରେ ଉଡିପାରିବ। କିନ୍ତୁ ଆଜି ଧାତୁରେ ନିର୍ମିତ ଏତେ ବଡ ଜାହାଜ, ଯାହା ଶହ ଶହ ଲୋକଙ୍କୁ ନେଇ ଆକାଶରେ ଉଡି ପାରୁଛି। ଏହି ପରିପ୍ରେକ୍ଷୀରେ ଆସନ୍ତୁ ଜାଣିବା ଦୁନିଆର ୫ ଟି ବଡ ବିମାନ ବିଷୟରେ...

ଆଣ୍ଟୋନୋଭ୍ ଆନ୍ -225 ମରିୟା। ଦୁନିଆର ସବୁଠୁ ବଡ ବିମାନ ବୋଲି କୁହାଯାଏ । ଏହି ବିମାନ ୧୯୮୦ ଦଶକରେ ୟୁକ୍ରେନରେ ଡିଜାଇନ୍ କରାଯାଇଥିଲା। ଏହି ଜାହାଜର ମୂଳ ଉଦ୍ଦେଶ୍ୟ ଥିଲା ଭାରୀ ଏବଂ ବଡ଼ ସାମଗ୍ରୀକୁ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ପରିବହନ କରିବା । ଏହି ବିମାନର ଉଡ଼ାଣ ବିଷୟରେ କହିବାକୁ ଗଲେ, ଏହା ଡିସେମ୍ବର ୨୧, ୧୯୮୮ ରେ ପ୍ରଥମ ଥର ନିଜର ଉଡାଣ ଭରିଥିଲା।ଏହି ଜାହାଜର ବିଶେଷତ୍ୱ ହେଉଛି ଏହା ପ୍ରାୟ ୨୫୦ ଟନ୍ ଓଜନ ଉଠାଇପାରେ ।

ଏୟାରବସ୍ A380 । ଦୁନିଆର ସବୁଠୁ ବଡ ଯାତ୍ରୀବାହୀ ବିମାନ ବୋଲି କୁହାଯାଏ। ଯାତ୍ରୀ ପରିବହନ ପାଇଁ ଏହାକୁ ଡିଜାଇନ୍ କରାଯାଇଛି ।ଏହି ବିମାନ ପ୍ରାୟ ୮୦୦ ଯାତ୍ରୀଙ୍କୁ ନେଇପାରେ। ଏପ୍ରିଲ ୨୭, ୨୦୦୫ ରେ ଏହା ନିଜର ପ୍ରଥମ ଉଡାଣ ଭରିଥିଲା।

ଆଣ୍ଟୋନୋଭ୍ ଆନ୍ -125 ହେଉଛି ଦ୍ୱିତୀୟ ବୃହତ୍ତମ ଋଷୀୟ କାର୍ଗୋ ବିମାନ । ଏହି ବିମାନର ପ୍ରଥମ ଉଡାଣ ୧୯୮୨ ରେ ହୋଇଥିଲା ।ଏହି ବିମାନରେ ଫ୍ରଣ୍ଟ୍‌ ଓପନିଂ ଡୋର୍‌ ରହିଛି। ଯାହାଦ୍ୱାରା ଭାରୀ ସାମଗ୍ରୀକୁ ସହଜରେ ଲୋଡ୍‌ ଏବଂ ଅନଲୋଡ୍ କରାଯାଇପାରିବ। ଏହି ଜାହାଜର ସର୍ବାଧିକ ଉଠାଣ କ୍ଷମତା ହେଉଛି ୧୫୦ ଟନ୍।

ବୋଇଙ୍ଗ 747-8 ବିମାନ । ଏହି ବିମାନ ଉଭୟ ଯାତ୍ରୀ ଏବଂ ମାଲ ପରିବହନ ପାଇଁ । ଏହି ବିମାନର ଲମ୍ବ ୭୬.୩ ମିଟର । 

ଏୟାରବସ୍ A340-600। ଏହି ବିମାନରେ ଚାରୋଟି ଇଞ୍ଜିନ୍ ରହିଛି।  ଯାହା ଦୀର୍ଘ ସମୟର ଉଡାଣ ପାଇଁ ଡିଜାଇନ୍ ହୋଇଛି। ଏହି ବିମାନର ଲମ୍ବ ୭୫.୩୬ ମିଟର । ଏହାର ପ୍ରଥମ ଉଡାଣ ୨୦୦୨ ରେ ହୋଇଥିଲା ।