ବାଉଁଶୁଣୀ, ୧୪/୩ : ବାଉଁଶୁଣୀ ପୋଲିସ୍ ପକ୍ଷରୁ ବହିରା ଗ୍ରାମ ନିକଟରୁ ୫କୁଇଣ୍ଟାଲ ଗଞ୍ଜେଇକୁ ଜବତ କରିଥିବା ସୂଚନା ମିଳିଛି । ସୂଚନା ଅନୁସାରେ ଶୁକ୍ରବାର ସକାଳେ ବିଶ୍ୱସ୍ତ ସୂତ୍ରରୁ ଗଞ୍ଜେଇ ଚାଲାଣ ପାଇଁ ପ୍ରସ୍ତୁତି ଚାଲିଥିବା ଖବରପାଇ ବାଉଁଶୁଣୀ ପୋଲିସ୍ ବହିରା ଗ୍ରାମ ନିକଟରେ ଚଢଉ କରିଥିଲା l 

ଚାଲାଣ ପାଇଁ ସେଠାରେ ପ୍ରସ୍ତୁତି ଚାଲିଥିବାବେଳେ ପୋଲିସକୁ ଦେଖି ଚାଲାଣକାରୀମାନେ ଫେରାର ହୋଇଯାଇଥିଲେ l ସେଠାରୁ ମିଳିଥିବା ଗଞ୍ଜେଇକୁ ମାଜିଷ୍ଟ୍ରେଟଙ୍କ ସାମ୍ନାରେ ଓଜନ କରାଯିବାରୁ ତାହା ୫କୁଇଣ୍ଟାଲ ହୋଇଥିଲା । ଏ ସମ୍ପର୍କରେ ବାଉଁଶୁଣୀ ଥାନାରେ କେଶ ନଂ ୪୪/୨୫ରେ NDPS ଆକ୍ଟରେ ଏକ ମାମଲା ରୁଜ୍ଜୁ କରି ତଦନ୍ତ ଚାଲିଥିବା ଆଇଆଇସି ଅଞ୍ଜଳି ବିଶ୍ୱାଳ ସୂଚନା ଦେଇଛନ୍ତି l