ଯାଜପୁର,୩।୧ : ଯାଜପୁର ସହରର ବଲ୍ଲଭୀଘାଟ ନିକଟରେ ଯାଜପୁର ଅବକାରୀ ବିଭାଗ ପକ୍ଷରୁ ଚଢାଉ କରାଯାଇଛି। ୫୨ ଗ୍ରାମ ଧଳାଜହର ଜବତ କରିବା ସହ ୩ ଜଣଙ୍କୁ ଅବକାରୀ ପୁଲିସ ଗିରଫ କରିଛି। ଜବତ ବ୍ରାଉନସୁଗାରର ମୂଲ୍ୟ ୫ ଲକ୍ଷ ଟଙ୍କା। ସେମାନଙ୍କ ନିକଟରୁ ଅବକାରୀ ପୁଲିସ ଏକ ବାଇକ ଜବତ କରିଛି।
ଯାଜପୁର ସହରର ବଲ୍ଲଭୀଘାଟ ନିକଟରେ ପାଟ୍ରୋଲିଂ ସମୟରେ ୩ ଜଣ ଯୁବକ ଦୌଡ଼ି ପଳାଉ ଥିଲେ। ଏହି ସମୟରେ ପାଟ୍ରୋଲିଂ ଟିମ ଗୋଡ଼ାଇ ଧରିଥିଲେ। ସେମାନଙ୍କ ପାଖରୁ ୫୨ ଗ୍ରାମ ଧଳା ଜହର ଜବତ କରାଯିବା ସହ ସେମାନେ ବ୍ୟବହାର କରୁଥିବା ବାଇକ ଜବତ କରା ଯାଇଛି। ଧଳା ଜହର ଆନୁମାନିକ ମୂଲ୍ୟ ୫ ଲକ୍ଷରୁ ଅଧିକା ଟଙ୍କା ରହିଛି। ଗିରଫ ଅଭିଯୁକ୍ତମାନଙ୍କ ମଧ୍ୟରୁ ୨ ଜଣ ଟାଉନ ଥାନା ଯାଜପୁର ଅଞ୍ଚଳର ହୋଇଥିବା ବେଳେ ଜଣେ ଭଦ୍ରକ ଅଞ୍ଚଳର ବୋଲି ଜଣାପଡିଛି।
