ଉଦଳା, ୧୫/୧୦: ମୟୂରଭଞ୍ଜ ପୁଲିସର ଟାର୍ଗେଟରେ ମାଫିଆ । ଅନନ୍ତପୁର ଅଞ୍ଚଳରେ ଗଳା ବାଟ ଦେଇ ମୋରମ ଚୋରା ଚାଲାଣ ବେଳେ ମାଫିଆଙ୍କୁ ମାଡ଼ି ବସିଲା ପୁଲିସ। ୬ଟି ମୋରମ ବୋଝେଇ ଟ୍ରାକ୍ଟର ଜବତ ସହ ୬ ଡ୍ରାଇଭରଙ୍କୁ ଅଟକ ରଖିଛି ପୁଲିସ। ଅଟକ ଡ୍ରାଇଭର ହେଲେ ବୃନ୍ଦାବନ ଟୁଡୁ, ଭାନୁ ପ୍ରତାପ ସିଂ,ବାପୁନ ପାତ୍ର, ଗୁନାରାମ ଟୁଡୁ, ତପୁ ପାଲ ଏବଂ ଗୁଣ ନାଏକ।
.webp)
ସୂଚନା ମୁତାବକ, ଉଦଳା ଥାନା ପଥୁରିଆ ଅଞ୍ଚଳରେ ଚୋରା ମୋରମ ଖାଦାନରୁ ମୋରମ ଚାଲାଣ ହେଉଥିବା ନେଇ ଉଦଳା ପୁଲିସକୁ ସୂଚନା ମିଳିଥିଲା । ଖବର ପାଇ ପୁଲିସ ଅନନ୍ତପୁର ଅଞ୍ଚଳରେ ଚଢ଼ାଉ କରିଥିଲା । ମାଫିଆମାନେ ମୋରମ ନେଇ ଯାଉଥିବା ୬ଟି ଟ୍ରାକ୍ଟର ହାବୁଡ଼ରେ ପଡିଥିଲେ। ପୁଲିସ ସମସ୍ତ ମୋରମ ବୋଝେଇ ଟ୍ରାକ୍ଟରକୁ ଜବତ କରିବା ସହିତ ସମସ୍ତ ଟ୍ରାକ୍ଟରର ଡ୍ରାଇଭରଙ୍କୁ ଥାନାରେ ଅଟକ ରଖି ପଚରାଉଚରା କରୁଛି । ଏହି ଚଢ଼ାଉ ପରେ ମାଫିଆଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି।
