ନୂଆଦିଲ୍ଲୀ: ଗୁରୁବାର ଅପରାହ୍ନରେ ଇସ୍ରାଏଲରେ ଏକ ଗାଡି ପଥଚାରିମାନଙ୍କ ପାଇଁ ଉଦ୍ଧିଷ୍ଟ ଏକ ରାସ୍ତାକୁ ଧସେଇ ପଶି ଲୋକମାନଙ୍କ ଉପରେ ଚଢିଯାଇଛି। ଇସ୍ରାଏଲି ଗଣମାଧ୍ୟମ ସଂସ୍ଥା ଜେରୁଜେଲମ ପୋଷ୍ଟ ଏନେଇ ଏକ ରିପୋର୍ଟ ପ୍ରକାଶ କରିଛି। ତେବେ ଏହି ଦୁର୍ଘଟଣା ଘଟିବା ପରେ ଇସ୍ରାଏଲ ପୋଲିସ ଏହାକୁ ଏକ ଆତଙ୍କୀ ଆକ୍ରମଣ କହିବା ସହିତ ଏହାର ତଦନ୍ତ ଜାରି ରଖିଛି।
ଏହି ଦୁର୍ଘଟଣା ପରଦେଶ ହନାକାକୁର ଇଣ୍ଟରସେକ୍ସନର ହାଇୱେ ୬୫ରେ ସ୍ଥାନୀୟ ସମୟ ୪ଟା ୧୮ରେ ହୋଇଥିଲା ବୋଲି ଇସ୍ରାଏଲର ଜାତୀୟ ଜରୁରିକାଳିନ ଚିକିତ୍ସା ସେବା ଯୋଗାଣକାରୀ ସଂସ୍ଥା ମାଗେନ ଡାଭିଡ ଆଡୋମ(ଏମଡିଏ) ପ୍ରକାଶ କରିଛି।
ଏହି ଦୁର୍ଘଟଣାରେ ୧୦ ଜଣ ଆହାତ ହୋଇଥିବା ବେଳେ ଦୁଇ ଜଣଙ୍କ ଅବସ୍ଥା ଗୁରୁତର ରହିଛି। ଏହା ସହ ପାଞ୍ଚଜଣ ପୁରୁଷ ଓ ତିନିଜଣ ମହିଳା ଏହି ଦୁର୍ଘଟଣାରେ ସାମାନ୍ୟ ଆହାତ ହୋଇଥିବା ନେଇ ସୂଚନା ମିଳିଛି। ଏହ ଦୁର୍ଘଟଣାରେ ଆହାତ ହୋଇଥିବା ସମସ୍ତ ଲୋକଙ୍କ ବୟସ ୨୦ରୁ ୭୦ ବର୍ଷ ବୋଲି ଜଣାପଡିଛି। ଏନେଇ ଏମଡିଏର ମୁଖପାତ୍ର ଜାକି ହିଲର ସ୍ଥାନିୟ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି।
ଏହା ସହ ଦୁର୍ଘଟଣା ଘଟାଇଥିବା ଅଭିଯୁକ୍ତକୁ ଧରିବା ପାଇଁ ଯାଇଥିବା ଦୁଇଜଣ ପୋଲିସ ଅଧିକାରୀଙ୍କୁ ଅଭିଯୁକ୍ତ ଜଣଙ୍କ ଛୁରାମାଡ କରିଥିଲା। ଏହି ଆକ୍ରମଣରେ ଦୁଇଜଣ ପୋଲିସ ଅଧିକାରୀ ଗୁରୁତର ହୋଇଯାଇଛନ୍ତି ବୋଲି ଜଣାପଡିଛି। ତେବେ ଅଭିଯୁକ୍ତ ଜଣଙ୍କୁ ଆତ୍ମରକ୍ଷାପାଇଁ ପୋଲିସ ଗୁଳିକରି ମାରି ଦେଇଥିବା ଜଣାପଡିଛି।
ଦୁର୍ଘଟଣାର ମୁଖ୍ୟ ଅଭିଯୁକ୍ତ ବିଷୟରେ ଏଯାଏ କୌଣସି ସୂଚନା ମିଳିନାହିଁ। ତେବେ ସ୍ଥାନିୟ ଗଣମାଧ୍ୟମ ଅନୁସାରେ ଅଭିଯୁକ୍ତ ଜଣଙ୍କୁ ୨୪ ବର୍ଷ ହୋଇଥିବା ବେଳେ ସେ ହାଇଦା ଜିଲ୍ଲାର ନିବାସି ବୋଲି ରିପୋର୍ଟ ପ୍ରକାଶ ପାଇଛି। ତେବେ ତାଙ୍କ ନାମରେ ପୂର୍ବରୁ କୌଣସି ଆପରାଧିକ ରେକର୍ଡ ନାହିଁ ବୋଲି ଜଣା ପଡିଛି।
ଇସ୍ରାଏଲରେ ପୂର୍ବରୁ କେବେ ଏପରି ହୋଇନଥିବା କାରଣରୁ ଏହାକୁ ଏକ ଆତଙ୍କୀ ଆକ୍ରମଣ ବୋଲି ପୋଲିସ ଘୋଷଣା କରିଛି। ଏହି ଆକ୍ରମଣ ପଛରେ ହମାସର ହାତ ଥିବା ନେଇ ସନ୍ଦେହ କରାଯାଉଛି। ତେବେ ଏହି ଦୁର୍ଘଟଣା ଘଟିବା ପରେ ଏନେଇ ଇସ୍ରାଏଲ ପକ୍ଷରୁ କୌଣସି ରାଜନୈତିକ ଘୋଷଣା କରାଯାଇନାହିଁ।
