ଭଦ୍ରକ,୦୫/୧୨: ଚୋରା କୋଇଲା ପରେ ଏବେ ଟାର୍ଗେଟରେ ଚୋରା ଗୋରୁ ଚାଲାଣ କାରୀ । କାର୍ରେ ଗୋରୁ ଚାଲାଣ ବେଳେ ମାଡ଼ି ବସିଲା ଭଦ୍ରକ ପୋଲିସ । କାର୍ରୁ ଉଦ୍ଧାର ହେଲେ ୯ ଗୋରୁ ଏବଂ ଗିରଫ ହେଲେ ଦୁଇ ଜଣ । ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଅଧିନସ୍ଥ ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଭଦ୍ରକ ଜିଲ୍ଲା ଗ୍ରାମାଞ୍ଚଳ ଥାନା ଅଧୀନ କାଉପୁର ଅଞ୍ଚଳରୁ ବେଆଇନ ଗୋରୁ ଚାଲାଣ ହେଉଥିବା ନେଇ ପୋଲିସ ଏକ ବିଶେଷ ସୂତ୍ରରୁ ଖବର ପାଇଥିଲା । ଖବର ପାଇ ଭଦ୍ରକ ସହରାଞ୍ଚଳ ଥାନାଧିକାରୀଙ୍କ ସହ ଏକ ଟିମ୍ ଜଗି ରହିଥିଲା । ଗୋଟିଏ କାର୍ରେ ୯ଟି ଗୋରୁ ବୋଝେଇ କରି ଆଣିବା ପରେ ଏକ ମଶାଣି ନିକଟରେ ଓହ୍ଲାଇବା ପୂର୍ବରୁ ମାଡ଼ି ବସିଥିଲା ପୋଲିସ । ଚଢାଉ କରି ସମସ୍ତ ଗୋରୁଙ୍କୁ ଉଦ୍ଧାର କରିଛି । ଏହା ସହ ଘଟଣାରେ ସମ୍ପୃକ୍ତ ଥିବା ୨ ଜଣ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।
