କାମିଶ୍ଲି,: ସିରିଆରେ ଇସ୍ଲାମିକ୍ ସ୍ଟେଟ୍ (IS) ଜିହାଦୀମାନଙ୍କ ଆକ୍ରମଣରେ ୫ ଜଣ କୁର୍ଦ୍ଦ ଲୋକଙ୍କର ମୃତ୍ୟୁ ଘଟିଛି। ଏନେଇ କୁର୍ଦ୍ଦମାନଙ୍କ ଦ୍ୱାରା ନେତୃତ୍ୱାଧିନ ସିରିଆନ୍ ଡେମୋକ୍ରାଟିକ୍ ଫୋର୍ସେସ୍ (SDF) ସୂଚନା ଜାରି କରିଛି।
ଆକ୍ରମଣଟି ଗୁରୁବାର ଦିନ ଦେଇର୍ ଏଜଜୋରର ପୂର୍ବ ଅଞ୍ଚଳରେ ଘଟିଥିଲା। SDF ଦେଇଥିବା ସୂଚନା ଅନୁଯାୟୀ, IS ସହ ଜଡ଼ିତ ଏକ ଆତଙ୍କବାଦୀ ନେଟୱାର୍କର ଆକ୍ରମଣରେ ୫ ଜଣ କୁର୍ଦ୍ଦିଶ ଯୋଦ୍ଧା ପ୍ରାଣ ହାରିଛନ୍ତି ଏବଂ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି। SDF କହିଛି, ଉକ୍ତ ଯୋଦ୍ଧାମାନେ ବଡ ଧରଣର ଆତଙ୍କୀ ଆକ୍ରମଣକୁ ପ୍ରତିହତ କରି ବଡ ଧରଣର ବିପତ୍ତିରୁ ରକ୍ଷା କରିଛନ୍ତି।
ବର୍ତ୍ତମାନ ସେମାନେ ଆକ୍ରମଣକାରୀ ଆତଙ୍କବାଦୀମାନଙ୍କୁ ଖୋଜି ବାହାର କରିବା ପାଇଁ ଅପରେସନ୍ ଜାରି ରଖିଛନ୍ତି। ୨୦୧୯ ମସିହାରେ SDF ଏବଂ ଆନ୍ତର୍ଜାତୀୟ କୋଆଲିସନ୍ର ସହାୟତାରେ ସିରିଆରେ ISକୁ ହରାଇଥିଲା, କିନ୍ତୁ ବର୍ତ୍ତମାନ ସେମାନେ କୁର୍ଦ୍ଦ-ନିୟନ୍ତ୍ରିତ ଅଞ୍ଚଳଗୁଡ଼ିକୁ ଟାର୍ଗେଟ କରି ଆକ୍ରମଣ ଚାଲୁ ରଖିଛନ୍ତି।
ଏହି ଘଟଣା ସିରିଆରେ ଚାଲୁ ରହିଥିବା ଆତଙ୍କବାଦୀ ସଂଘର୍ଷକୁ ପୁଣିଥରେ ଆରମ୍ଭ କରିଛି। SDF ଆହୁରି ସୂଚନା ପ୍ରକାଶ କଲେ ଏ ସମ୍ପର୍କରେ ଅଧିକ ତଥ୍ୟ ଜଣାପଡିବ।
