ମୁମ୍ବାଇ,୨୮/୧୦: ବଲିଉଡ ସୁପରଷ୍ଟାର ହ୍ରିତିକ ରୋଶନ ଗତକାଲି ଫ୍ୟାନ୍ସଙ୍କୁ ଦେଇଛନ୍ତି ବଡ ଉପହାର । ହ୍ରିତିକ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ସୁପରଷ୍ଟାର ଜ୍ୟାକି ଚାନଙ୍କ ସହ ନିଜର ଏକ ଫଟୋ ସେୟାର କରିଛନ୍ତି । ଉଭୟଙ୍କୁ ଏକାଠି ଦେଖି ଫ୍ୟାନ୍ସ ଉତ୍ସାହିତ ଏବଂ ଏବେ ସେମାନଙ୍କର ନୂତନ ଫିଲ୍ମ ପାଇଁ କାମନା କରୁଛନ୍ତି । ଦୁଇ ସୁପରଷ୍ଟାରଙ୍କ ଏହି ଫଟୋ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି ।
ହ୍ରିତିକ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଜ୍ୟାକି ଚାନଙ୍କ ସହିତ ଫଟୋ ସେୟାର କରି ଲେଖିଛନ୍ତି, "ଆପଣଙ୍କୁ ଏଠାରେ ଭେଟି ବହୁତ ଭଲ ଲାଗିଲା, ଜ୍ୟାକି ଚାନ ସାର୍ ।" ହ୍ରିତିକ୍ ଏବଂ ଜ୍ୟାକି ଚାନଙ୍କ ଫଟୋ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି, ଉଭୟଙ୍କ ପ୍ରଶଂସକମାନେ ଅନେକ ମନ୍ତବ୍ୟ ଦେଉଛନ୍ତି ।ଅଭିନେତା ଟାଇଗର ଶ୍ରଫ୍ ହ୍ରିତିକ ଏବଂ ଜ୍ୟାକିଙ୍କ ଫଟୋରେ "ଫାୟାର ଇଟ୍ ଅପ୍!" ଲେଖିଥିଲେ । ନୀଲ ନୀତିନ ମୁକେଶ ଏକ ଫାୟାର ଇମୋଜି ସେୟାର କରିଥିଲେ । ସେହିପରି ଜଣେ ଫ୍ୟାନ୍ସ ଲେଖିଛନ୍ତି, "ଗୋଟିଏ ଫ୍ରେମ୍ରେ ଦୁଇ କିମ୍ବଦନ୍ତୀ ।" ଅନ୍ୟ ଜଣେ ଲେଖିଛନ୍ତି, "ଗ୍ରୀକ୍ ଗଡ୍ ଏବଂ ମାର୍ଶାଲ୍ ଆର୍ଟସ୍ ଗଡ୍ ।" ଆଉ ଜଣେ ଲେଖିଛନ୍ତି, "ଜ୍ୟାକି ଏବଂ ହ୍ରିତିକ ସାର୍ ତୁମକୁ ମୋର ଭଲପାଇବା ।" ଆଉ ଜଣେ ଲେଖିଛନ୍ତି, "ଦୟାକରି ଏକାଠି ଏକ ଫିଲ୍ମ କରନ୍ତୁ ।"
ହ୍ରିତିକ ରୋଶନଙ୍କ ୱାର୍କପ୍ରଣ୍ଟ ବିଷୟରେ କହିବାକୁ ଗଲେ, ଶେଷ ଥର ପାଇଁ 'ୱାର ୨ରେ ନଜର ଆସିଥିଲେ । ଏହି ଅଭିନେତା ଆଗାମୀ ପ୍ରାଇମ୍ ଭିଡିଓ ଥ୍ରୀଲର୍ ଷ୍ଟର୍ମ ସହିତ ପ୍ରଯୋଜକ ଭାବରେ OTT ରେ ଡେବ୍ୟୁ କରିବାକୁ ଯାଉଛନ୍ତି । ଏକ ନ୍ୟୁଜ୍ ପୋର୍ଟାଲ୍ ଅନୁଯାୟୀ, ଏହି ଧାରାବାହିକଟି ଅଜିତପାଲ ସିଂଙ୍କ ଦ୍ୱାରା ନିର୍ମିତ ଏବଂ ନିର୍ଦ୍ଦେଶିତ, ଯିଏ ଟାବାର୍ ଏବଂ ଫାୟାର୍ ଇନ୍ ଦ ମାଉଣ୍ଟେନ୍ସ ପାଇଁ ଜଣାଶୁଣା, ଯାହାକୁ ସନଡାନ୍ସ ଫିଲ୍ମ ଫେଷ୍ଟିଭାଲ୍ ପାଇଁ ମନୋନୀତ କରାଯାଇଥିଲା । ଷ୍ଟର୍ମ ମୁମ୍ବାଇରେ ସେଟ୍ ହୋଇଛି ଏବଂ ଖୁବଶୀଘ୍ର ଏହାର ନିର୍ମାଣ ଆରମ୍ଭ ହେବ ।
