ନୂଆଦିଲ୍ଲୀ,୨୮/୧୦: ଜାପାନର ପ୍ରଥମ ମହିଳା ପ୍ରଧାନମନ୍ତ୍ରୀ ସାନାଏ ତାକାଇଚି । ଆଜି (ମଙ୍ଗଳବାର) ସେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଭେଟିଛନ୍ତି । ରାଷ୍ଟ୍ରପତି ଟ୍ରମ୍ପଙ୍କ ଅଧୀନରେ ବିଶ୍ୱ ଅଧିକ ଶାନ୍ତି ଉପଭୋଗ କରିବା ଆରମ୍ଭ କରିଛନ୍ତି ବୋଲି କହିଛନ୍ତି ସାନାଏ ତାକାଇଚି । ତାଙ୍କର ଏହି ମତ ପରେ ଜାପାନ ପ୍ରଧାନମନ୍ତ୍ରୀ ରାଷ୍ଟ୍ରପତି ଟ୍ରମ୍ପଙ୍କୁ ନୋବେଲ ଶାନ୍ତି ପୁରସ୍କାର ପାଇଁ ମନୋନୀତ କରିବେ ବୋଲି ଗଣମାଧ୍ୟମକୁ କହିଛନ୍ତି ହ୍ୱାଇଟ୍ ହାଉସ୍ ପ୍ରେସ୍ ସଚିବ କାରୋଲିନ୍ ଲିଭିଟ୍ ।
ଟୋକିଓରେ ଡୋନାଲ୍ଡ ଟ୍ରମ୍ପଙ୍କୁ ଭେଟିଛନ୍ତି ଜାପାନ ପ୍ରଧାନମନ୍ତ୍ରୀ ସାନାଏ ତାକାଇଚି । ଦୁଇ ବିଶ୍ୱ ନେତାଙ୍କ ମଧ୍ୟରେ ଦେଶର ଅର୍ଥନୈତିକ ଓ ସୁରକ୍ଷା ପ୍ରସଙ୍ଗରେ ଆଲୋଚନା ହୋଇଛି । ଟ୍ରମ୍ପଙ୍କ ସହ ସାକ୍ଷାତ ପରେ ତାକାଇଚି କହିଛନ୍ତି, କମ୍ ସମୟ ମଧ୍ୟରେ ବିଶ୍ୱ ଅଧିକ ଶାନ୍ତି ଉପଭୋଗ କରୁଛି । ରାଷ୍ଟ୍ରପତି ଟ୍ରମ୍ପଙ୍କ ଦ୍ୱାରା ମୁଁ ପ୍ରଭାବିତ ହୋଇଛି । ତାଙ୍କଠୁ ମୋତେ ପ୍ରେରଣା ମିଳିଛି । ଅନୁପ୍ରାଣିତ ହୋଇଛି ।'' ସନାଏଙ୍କ ଏହି ବୟାନ ପରେ ହ୍ୱାଉଟ୍ ହାଉସ୍ କହିଛି ଯେ, ଜାପାନ ପିଏମ୍ ନୋବେଲ ଶାନ୍ତି ପୁରସ୍କାର ପାଇଁ ଡୋନାଲ୍ଡ ଟ୍ରମ୍ପଙ୍କୁ ମନୋନୀତ କରିବେ ।
ଟ୍ରମ୍ପ ଏବଂ ନୋବେଲ୍ ଶାନ୍ତି ପୁରସ୍କାର- ଜାନୁଆରୀରେ କ୍ଷମତାକୁ ଫେରିବା ପରଠାରୁ, ଟ୍ରମ୍ପ ନୋବେଲ ଶାନ୍ତି ପୁରସ୍କାର ଉପରେ ଅଧିକ ଧ୍ୟାନ ଦେଇ ଆସିଛନ୍ତ । ସେ ବିଶ୍ୱରେ ଅନେକ ଯୁଦ୍ଧର ଅନ୍ତ କରିଥିବା ଦାବି କରି ଆସୁଛନ୍ତି । କିନ୍ତୁ ବିଶେଷଜ୍ଞମାନେ ତାଙ୍କର ଦାବିର ବିରୋଧ କରିଛନ୍ତି । ହେଲେ ଟ୍ରମ୍ପଙ୍କର କିଛି ସମର୍ଥକ ତାଙ୍କର ଶାନ୍ତି ପ୍ରୟାସକୁ ପ୍ରଶଂସା କରି ତାଙ୍କୁ ଶାନ୍ତି ପୁରସ୍କାର ପାଇଁ ମନୋନୀତ କରୁଛନ୍ତି । ତାଙ୍କୁ ଏହି ସମ୍ମାନଜନକ ପୁରସ୍କାର ପାଇଁ ମନୋନୀତ କରିଥିବା ବିଶ୍ୱ ନେତାମାନଙ୍କ ମଧ୍ୟରେ ଇସ୍ରାଏଲୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ ମଧ୍ୟ ଅଛନ୍ତି, ଯିଏ କହିଛନ୍ତି ଯେ ସେ ହିଁ ''ଯୋଗ୍ୟ" ।
ଜୁଲାଇ ମାସରେ, ଗାବୋନିଜ୍ ରାଷ୍ଟ୍ରପତି ବ୍ରାଇସ୍ ଓଲିଗୁଇ ଙ୍ଗେମା ଏକ ରକ୍ତାକ୍ତ ସଂଘର୍ଷର ଅନ୍ତ ପାଇଁ ରୱାଣ୍ଡା ଏବଂ ଡେମୋକ୍ରାଟିକ୍ ରିପବ୍ଲିକ୍ ଅଫ୍ କଙ୍ଗୋ ମଧ୍ୟର ଚୁକ୍ତିନାମା ହୋଇଥିଲା । ଏଥିରେ ମଧ୍ୟସ୍ଥତା କରିବାରେ ଆମେରିକାର ଭୂମିକା ବିଷୟରେ ଉଲ୍ଲେଖ କରିଥିଲେ । ସେ କହିଥିଲେ ଯେ ଟ୍ରମ୍ପ " ଏପରି ଏକ ଅଞ୍ଚଳରେ ଶାନ୍ତି ଫେରାଇ ଆଣୁଛନ୍ତି ଯେଉଁଠାରେ ଏହା କେବେ ସମ୍ଭବ ନଥିଲା ତେଣୁ ମୁଁ ବିଶ୍ୱାସ କରେ ଯେ, ସେ ନୋବେଲ୍ ଶାନ୍ତି ପୁରସ୍କାର ପାଇବାକୁ ଯୋଗ୍ୟ । ଏହା ମୋର ମତ। । " ଟ୍ରମ୍ପଙ୍କୁ ନେବେଲ ମିଳିନାହିଁ । ଭେନେଜୁଏଲାର ମାରିଆ କୋରିନାଙ୍କୁ ନୋବେଲ ଶାନ୍ତି ପୁରସ୍କାର ମିଳିବା ମନୋନୀତ କରାଯାଇଛି । ନୋବେଲ ଶାନ୍ତି ପୁରସ୍କାର ପାଇଥିବା କେବଳ ଆମେରିକୀୟ ରାଷ୍ଟ୍ରପତିମାନେ ହେଉଛନ୍ତି ଜିମି କାର୍ଟର ଏବଂ ବାରାକ ଓବାମା ।
ଦଶନ୍ଧି ପୂର୍ବେ ଉତ୍ତର କୋରିଆ ଦ୍ୱାରା ଅପହୃତ ଜାପାନୀ ପରିବାରକୁ ଭେଟିଲେ - ଏହି ଗସ୍ତରେ ଡୋନାଲ୍ଡ ଟ୍ରମ୍ପ ଉତ୍ତର କୋରିଆ ଦ୍ୱାରା ଦଶନ୍ଧି ପୂର୍ବରୁ ଅପହୃତ ଜାପାନୀ ପରିବାରକୁ ଭେଟିଛନ୍ତି । ସେ କହିଛନ୍ତି ଯେ, ଆମେରିକା ସେମାନଙ୍କ ସହିତ ସବୁବେଳେ ଅଛି । ବର୍ଷ ବର୍ଷ ଧରି ଅସ୍ୱୀକାର କରିବା ପରେ, ଉତ୍ତର କୋରିଆ ୨୦୦୨ ମସିହାରେ ସ୍ୱୀକାର କରିଥିଲା ଯେ ସେ ୧୩ ଜଣ ଜାପାନୀ ଲୋକଙ୍କୁ ଅପହରଣ କରିବା ପାଇଁ ଏଜେଣ୍ଟ ପଠାଇଥିଲା । ଯେଉଁମାନଙ୍କୁ ଜାପାନୀ ଭାଷା ଏବଂ ଚଳଣିରେ ଗୁପ୍ତଚରମାନଙ୍କୁ ତାଲିମ ଦେବାକୁ ନିୟୋଜିତ କରାଯାଇଥିଲା ।
