ମାଲକାନଗିରି, ୨୬/୧୦ : ସମ୍ଭାବ୍ୟ ବାତ୍ୟା ମୋନ୍ଥାକୁ ନେଇ ମାଲକାନଗିରି ଜିଲ୍ଲାରେ ରେଡ ଆଲର୍ଟ ଜାରି କରାଯାଇଛି। ପ୍ରଶାସନିକ ଅଧିକାରୀଙ୍କ ସହ ଜିଲ୍ଲାବାସୀ ସତର୍କ ରହିବା ପାଇଁ ଜିଲ୍ଲାପାଳ ସୂଚନା ଦେଇଛନ୍ତି । ବାତ୍ୟା ମୋନ୍ଥାର ମୁକାବିଲା କରିବା ଲାଗି ମାଲକାନଗିରି ଜିଲ୍ଲା ପ୍ରଶାସନ ତରଫରୁ ଜୋରଦାର ପ୍ରସ୍ତୁତି ଚାଲିଛି । ୨୭ ତାରିଖରୁ ୩୦ତାରିଖ ପର୍ଯ୍ୟନ୍ତ ଜିଲ୍ଲାର ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ କରାଯାଇଛି । ବିଡିଓ ତହସିଲଦାର ଓ ପଞ୍ଚାୟତ ଅଧିକାରୀମାନଙ୍କୁ ପରିସ୍ଥିତିର ମୁକାବିଲା କରିବା ପାଇଁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ ସୋମେଶ ଉପାଧ୍ୟ୍ୟୟ । ଅଗ୍ନିଶମ ବାହିନୀ, ପୋଲିସ କର୍ମଚାରୀ, ବିଦ୍ୟୁତ ବିଭାଗ ଓ ଯୋଗାଣ ବିଭାଗକୁ ଆଲର୍ଟ କରାଯାଇଛି । ବଣ୍ଡା ଘାଟି ଓ ଚିତ୍ରକୋଣ୍ଡା ଅଞ୍ଚଳରେ ଭୁଷ୍କଳନ ହେବାର ସମ୍ଭାବନା ରହିଥିବାରୁ ସରକାରୀ କର୍ମଚାରୀ ମାନମଙ୍କୁ ଆଲର୍ଟ କରାଯାଇଛି । ବନ୍ୟା ଆଶ୍ରୟସ୍ଥଳି ଗୁଡ଼ିକ ପ୍ରସ୍ତୁତ ରଖାଯିବା ସହ ସେଠାରେ ଯଥେଷ୍ଟ ପରିମାଣର ଖାଦ୍ୟ ସାମଗ୍ରୀ ମହଜୁଦ ରଖାଯାଇଛି ବୋଲି ମାଲକାନଗିରି ଜିଲ୍ଲାପାଳ କହିଛନ୍ତି ।
ଆନ୍ଧ୍ରପ୍ରଦେଶର ମଛଲିପାଟଣମ ଓ କାକିନାଡା ମଝିରେ ବାତ୍ୟା ମୋନ୍ଥା ଲ୍ୟାଣ୍ଡ ଫଲ୍ କରିବ ବୋଲି ଭାରତୀୟ ପାଣି ପାଗ ବିଭାଗ ସୁଚନା ଦେବା ପରେ ଆଲର୍ଟ ହୋଇଛି ମାଲକାନଗିରି ଜିଲ୍ଲା ପ୍ରଶାସନ। କାରଣ ମାଲକାନଗିରି ଜିଲ୍ଲା ଆନ୍ଧ୍ରପ୍ରଦେଶ ସୀମାନ୍ତକୁ ଲାଗିଥିବାରୁ ଏହାର ପ୍ରଭାବ ଅଧିକ ପଡ଼ିବ । କାକିନାଡାରେ ସ୍ଥଳ ଭାଗ ଛୁଇଁଲେ ମାଲକାନଗିରି ଜିଲ୍ଲାରେ ଭାରି ବର୍ଷା ହେବା ସହ ପନବ ମଧ୍ୟ ହେବାର ସମ୍ଭାବନା ରହିଛି । ପରିସ୍ଥିତିର ମୁକାବିଲା କରିବା ପାଇଁ ମାଲକାନଗିରି ଜିଲ୍ଲା ପ୍ରଶାସନ ତରଫରୁ ଜୋରଦାର ପ୍ରସ୍ତୁତି ଚାଲିଛି । ୨୭ ତାରିଖରୁ ୩୦ ତାରିଖ ପର୍ଯ୍ୟନ୍ତ ସମସ୍ତ ସରକାରି କର୍ମଚାରୀଙ୍କ ଛୁଟି ବାତିଲ କରାଯାଇଛି । ତଳିଆ ଅଞ୍ଚଳ ଚିହ୍ନଟ କରାଯାଇ ବ୍ଲକ ସ୍ତରିୟ ଅଧିକାରି ମାନଙ୍କୁ ଦାୟିତ୍ବ ଦିଆଯାଇଛି । ମାକାନଗିରିରେ ୪ ଟି ବହୁମୁଖୀ ବନ୍ୟା ଆଶ୍ରୟ ସ୍ଥଳି ରହିଥିବାବେଳେ ୧୬ଟି ପ୍ରାଥମିକ ବିଦ୍ୟାଳୟକୁ ଅସ୍ଥାୟୀ ବନ୍ୟା ଆଶ୍ରୟ ସ୍ଥଳି ଭାବେ ପ୍ରସ୍ତୁତ କରାଯାଇଛି । ସବୁଠି ଯଥେଷ୍ଟ ପରିମାଣର ଖାଦ୍ୟ ସାମଗ୍ରୀ ମହଜୁଦ ରଖାଯିବା ସହ ବିଡିଓ ତହସିଲଦାର ଓ ପଞ୍ଚାୟତ ଅଧିକାରୀମାନଙ୍କୁ ପରିସ୍ଥିତିର ମୁକାବିଲା କରିବା ପାଇଁ ନିର୍ଦ୍ଦେଶ ଦେଇଛନ୍ତି ଜିଲ୍ଲାପାଳ । ଜିଲ୍ଲାର ସମସ୍ତ ଡାକ୍ତରଖାନାକୁ ହାଇ ଆଲର୍ଟ କରାଯିବା ସହ ଜେନେରେଟର ଚାଲିବା ପାଇଁ ୭ ଦିନର ଡିଜେଲ ମହଜୁଦ ରଖିବା ଲାଗି ନିର୍ଦ୍ଦେଶ ଦିଆଯାଇଛି । ସମସ୍ତ ବିଭାଗୁ ନେଇ ଏକ ସ୍ବତନ୍ତ୍ର କଣ୍ଟ୍ରୋଲ ରୁମ ପ୍ରସ୍ତୁତ କରାଯାଇଛି ଓ ଲୋକଙ୍କ ପାଇଁ ଏକ ହେଲପ୍ ଲାଇନ୍ ନମ୍ବର ମଧ୍ୟ ଦେଇଛି ଜିଲ୍ଲା ପ୍ରାଶାସନ । ବଣ୍ଡା ଘାଟି ଓ ଚିତ୍ରକୋଣ୍ଡା ଅଞ୍ଚଳରେ ଭୁଷ୍କଳନ ହେବାର ସମ୍ଭାବନା ରହିଥିବାରୁ ସେଠାରେ ମଧ୍ୟ ଜିଲ୍ଲା ପ୍ରଶାସନ ପକ୍ଷରୁ ସ୍ବତନ୍ତ୍ର ଦୃଷ୍ଟି ରଖାଯାଇଛି । ଅଗ୍ନିଶମ ବାହିନୀ, ପୋଲିସ କର୍ମଚାରୀ, ବିଦ୍ୟୁତ ବିଭାଗ ଓ ଯୋଗାଣ ବିଭାଗକୁ ଆଲର୍ଟ ରଖା ଯାଇଛି । ମାଲକାନଗିରି ଜିଲ୍ଲାରେ ଅଗ୍ନିଶମ ବିଭାଗ ର ୮ ଟି ଟିମ୍ ରହିଥିବାବେଳେ ବାହରୁ ଅତିରିକ୍ତ ୩ଟି ଟିମ୍ ମଗାଯାଇଛି । ଏହାସହ ଓଡ୍ରାଫର ଦୁଇଟି ଟିମ ମଲକାନଗିରି ଆସିବା ଲାଗି ରାଜ୍ୟ ସରକରାଙ୍କୁ ଜଣାଇଛନ୍ତି ମାଲକାନଗିରି ଜିଲ୍ଲାପାଳ । ପରିସ୍ଥିତିର ମୁକାବିଲା କରିବା ଲାଗି ଅଗ୍ନିଶମ ବାହିନର ସ୍ପିଡ୍ ବୋଟ ପ୍ରସ୍ତୁତ ହୋଇ ରହିଥିବା ବେଳେ ଏହାର ଟ୍ରାଇ ରନ୍ ମଧ୍ୟ କରାଯାଇଛି । ଗଛ କାଟିବା ମେସିନ, ଫ୍ଲଡ ଲାଇଟ୍, ଜେନେରେଟର ବୋଟ୍ ସହ ପୁରା ପ୍ରସ୍ତୁତ ରହିଛି ଅଗ୍ନିଶମ ବାହିନୀ ଓ ଜିଲ୍ଲା ପ୍ରଶାସନ ବୋଲି ସୂଚନା ଦେଇଛନ୍ତି ଜିଲ୍ଲାପାଳ ସୋମେଶ ଉପାଧ୍ୟାୟ ବାତ୍ୟା ମୋନ୍ଥାକୁ ସବୁଠାରୁ ଅଧିକ ଚିନ୍ତାରେ ରହିଛନ୍ତି ମାଲକାନଗିରି ଜିଲ୍ଲାର ଚାଷିକୂଳ । କାରଣ ଏବେ ଜମିରେ ଧାନ ପାଚିଗଲାଣି, ଅମଳର ସମୟ ହୋଇଥିବାବେଳେ ଲୋକେ ଧାନ କାଟିବାରେ ଲାଗିଛନ୍ତି । କେଉଠି ଜମିରେ ସୁନାର ଫସଲ ହସୁଛି ତ ଆଉ କେଉଠି ଫସଲ କାଟିବା ପରେ ଧାନ ଏକାଠି କରାଯାଉଛି । ହେଲେ ବାତ୍ୟା ର କଥା ଶୁଣି ଲୋକେ ଧାନ କୁ ଆଉ ଖରାରେ ନଶୁଖାଇ ବସ୍ତାରେ ଭର୍ତ୍ତୀ କରିବାରେ ଲାଗିଛନ୍ତି । କେବଳ ଧାନ ଫସଲ ନୁହେଁ ପନି ପରିବା ଠାରୁ ଆରମ୍ଭ କରି ରାଶି, ବିରି, ମାଣ୍ଡିଆ ଓ ଶୁଆଁ ଚାଷ କରିଥିବା ଆଦିବାସି ଲୋକେ ଏବେ ଚିନ୍ତାରେ ପଡିଛନ୍ତି । ଚଳିତ ବର୍ଷ ଫସଲ ଭଲ ହୋଇଥିବା ବେଳେ ଧାନ ବିରି ମାଣ୍ଡିଆ ଆଦି ଅମଳ କରିବାର ସମୟ ଆସିଛି । ଜମିରେ ସୁନା ଫସଲ ହସୁଥିବ ବେଳେ ମୁଣ୍ଡରେ କିନ୍ତୁ ହାତ ଦେଇ ବସିଛନ୍ତି ଚାଷି କୁଳ । କାରଣ ବାତ୍ୟା ଯୋଗୁଁ ମାଲକାନଗିରି ଜିଲ୍ଲାରେ ଭାରି ବର୍ଷାର ସମ୍ଭାବନା ରହିଛି । କିଛି ସ୍ଥାନରେ ମେସିନ ଲଗାଇ ପାଚିଲା ଧାନ ଫସଲକୁ ଆଗୁଆ କାଟିବାରେ ଲୋକେ ବ୍ୟସ୍ତ ଥିବା ବେଳେ ଆଉ କିଛି ଅଞ୍ଚଳରେ କଟା ଯାଇଥିବା ଫସଲକୁ ସୁରକ୍ଷିତ ରଖିବା ଲାଗି ଲୋକେ ତତ୍ପର ହୋଇଛନ୍ତି । ତେବେ ଅଳ୍ପ ସମୟ ମଧ୍ୟରେ ଏବେ ପରିମାଣର ଫସଲ କାଟିବା ସମ୍ଭବ ନଥିବା ବେଳେ ବର୍ଷାକୁ ନେଇ ଚିନ୍ତାରେ ଚାଷି କୁଳ ।
ପାଣି ପାଗ ବିଭାଗ ଆସନ୍ତାକାଲି ମାଲକାନଗିରିକୁ ଅରେଞ୍ଜ ୱାର୍ଣ୍ଣିଂ ଜାରି କରିଥିବାବେଳେ ୨୮, ୨୯ ଓ ୩୦ ତାରିଖ ଲାଗି ରେଡ୍ ଆଲର୍ଟ ଜାରି କରିଛି । ଭାରି ବର୍ଷା ସହ ୫୦କିଲୋମିଟର ବେଗରେ ପବନ ହେବାର ସମ୍ଭାବନା ରହିଛି ବୋଲି ଭାରତିୟ ପାଣି ପାଗ ବିଭାଗ ସୁଚନା ଦେବା ପରେ ମାଲକାନଗିରି ଜିଲ୍ଲାରେ ପ୍ରଶାସନ ପକ୍ଷରୁ ଜୋରଦାର ପ୍ରସ୍ତୁତି ଆରମ୍ଭ ହୋଇଛି ।
