ନୂଆଦିଲ୍ଲୀ ୦୧/୧୨: ୫୦ ଦିନ ତଳେ ନିଖୋଜ ଥିଲେ କାନାଡିୟ ପଦଯାତ୍ରୀ । ଏବେ ବ୍ରିଟିଶ କଲମ୍ବିଆର ଉତ୍ତର ରକି ପର୍ବତର ଶୀତଳ ଜଙ୍ଗଲରୁ ତାଙ୍କୁ ଉଦ୍ଧାର କରାଯାଇଛି। ଏବେ ସେ ହସ୍ପିଟାଲରେ ଚିକିତ୍ସିତ ହେଉଛନ୍ତି।
ସୂଚନା ଅନୁଯାୟୀ, ୨୦ ବର୍ଷିୟ କାନାଡିୟ ପଦଯାତ୍ରୀ ସାମ୍ ବେନାଷ୍ଟିକ୍ ଅକ୍ଟୋବର ୭ ରେ ୧୦ ଦିନିଆ କ୍ୟାମ୍ପିଂ ଯାତ୍ରା ପାଇଁ ଯାଇଥିଲେ।ସେ ରେଡଫର୍ନ-କେଲି ପ୍ରାଦେଶିକ ପାର୍କ ଅଭିମୁଖେ ଯାଇଥିଲେ, ଯେଉଁଠାରେ ୮୦,୦୦୦ ହେକ୍ଟର ଗ୍ଲେସିୟର, ଜଳପ୍ରପାତ, ହ୍ରଦ ଏବଂ ଜଙ୍ଗଲ ଉପତ୍ୟକା ରହିଛି। କିନ୍ତୁ ଅକ୍ଟୋବର ୧୭ ରେ ସେ ଘରକୁ ଫେରିନଥିଲେ। ଯାହାପରେ ପରିବାର ଲୋକେ ସେ ନିଖୋଜ ଥିବା ଥାନାରେ ରିପୋର୍ଟ ଦେଇଥିଲେ। ପୋଲିସ୍ ତାଙ୍କୁ ବହୁ ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ସନ୍ଧାନ ମିଳିନଥିଲା। ପରେ ପରେ ତାଙ୍କୁ ଦୁଇ ଜଣ ତୈଳ ଏବଂ ଗ୍ୟାସ କର୍ମଚାରୀ ବେନାଷ୍ଟିକଙ୍କୁ ଥରି ଥରି ଏକ ବାଡି ସାହାଯ୍ୟରେ ଧୀରେ ଧୀରେ ରାସ୍ତାରେ ଯାଉଥିବା ଦେଖିବାକୁ ପାଇଥିଲେ। ବର୍ତ୍ତମାନ ବେନାଷ୍ଟିକ ବ୍ରିଟିଶ କଲମ୍ବିଆର ଫୋର୍ଟ ନେଲସନସ୍ଥିତ ଏକ ଡାକ୍ତରଖାନାରେ ଚିକିତ୍ସିତ ହେଉଛନ୍ତି।
ତେବେ ନ୍ୟୁୟର୍କ ଟାଇମ୍ସ ପୋଲିସର ମୁଖପାତ୍ର କହିଛନ୍ତି, ବେନାଷ୍ଟିକଙ୍କୁ ଜୀବନ୍ତ ପାଇ ସେ ବେଶ୍ ଖୁସି। କାରଣ ଏତେ ଦିନ ଧରି ନିଖୋଜ ହେବା ପରେ ପୋଲିସ ମନରେ ସନ୍ଦେହ ରହିଥିଲା କି ସେ ବୋଧହୁଏ ଜୀବନ୍ତ ନଥିବେ। ବେନାଷ୍ଟିକ୍ ପୋଲିସକୁ କହିଛନ୍ତି ଯେ ସେ ତାଙ୍କ କାରରେ ଦୁଇ ଦିନ ରହିଥିଲେ ଏବଂ ପରେ ପାହାଡ ତଳକୁ ଯାଇ ସେଠାରେ ଆଉ ୧୦-୧୫ ଦିନ କ୍ୟାମ୍ପ କରିଥିଲେ। ବର୍ତ୍ତମାନ ସୁଦ୍ଧା ତାଙ୍କ ଅବସ୍ଥା ଭଲ ଅଛି ବୋଲି ସ୍ୱାସ୍ଥ୍ୟ ଅଧିକାରୀ କହିଛନ୍ତି।
