କେନ୍ଦୁଝର ସଦର,୩୦/୧୦: ପୂର୍ବ ତଟ ରେଳପଥ ଅନ୍ତର୍ଗତ ଖୋର୍ଦ୍ଧା ମଣ୍ଡଳର କେନ୍ଦୁଝରଗଡ଼ ଠାରେ ଶ୍ରମିକ ୟୁନିୟନ ରେଳ କର୍ମଚାରୀ ସଂଗଠନ ତରଫରୁ ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି । ଏଥିରେ ପୂର୍ବ ତଟ ରେଳପଥ ଶ୍ରମିକ ୟୁନିୟନର ସାଧାରଣ ସମ୍ପାଦକ ତଥା ଏଆଇଆରଏଫର ଉପ ସଭାପତି ପିକେ ପାଟ୍ଟଶାଣୀ, ବିଶାଖାପାଟଣା ସିଏଲଆଇ ଆର ଭି ଏସ ଏସ ରାଓ, ଖର୍ଦ୍ଧା ମଣ୍ଡଳର କୋଡ଼ିନେଟର ରଞ୍ଜିତ କୁମାର ଦାସ, କେନ୍ଦୁଝର ବ୍ରାଞ୍ଚ ସେକ୍ରେଟାରୀ କରମବିର ରାୟ, କାର୍ଯ୍ୟକାରୀ ସଭାପତି ତଥା ସି ଏଲ ଆଇ ସୁଧୀର ଚନ୍ଦ୍ର ଗିରୀଙ୍କ ସମେତ ନରଣପୁର ଷ୍ଟେସନ ମ୍ୟାନେଜର ବିବିତା ପଟ୍ଟା, ଭଦ୍ରକ ଏଲପିପି ପିକେ ସାହୁ ପ୍ରମୁଖ ଉପସ୍ଥିତ ଥିଲେ।
ଏହି ସଭାରେ ଅଷ୍ଟମ ବେତନ କମିଶନ କିପରି ଲାଗୁ ହୋଇ ପାରିବ ଓ ୟୁପିଏସରେ ଥିବା ଅସୁବିଧାକୁ କିପରି ଦୂର କରାଯାଇ ପାରିବ ସେ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିବା ବେଳେ ଟୋକନ ପୋଟର, ଟି.ପି, ଟ୍ରାକ ମେଣ୍ଟେନର, ଲୋକ ପାଇଲଟ, ଆସିଷ୍ଟାଣ୍ଟ ଲୋକ ପାଇଲଟ ଓ ଟ୍ରେନ ମେନେଞ୍ଜରଙ୍କ ଗ୍ରେଡପେ ବୃଦ୍ଧି ବିଷୟରେ ଆଲୋଚନା କରାଯାଇଥିଲା । କେନ୍ଦୁଝରଗଡ଼ରେ କାର୍ଯ୍ୟରତ ରେଳ କର୍ମଚାରୀଙ୍କ ଉନ୍ନତ ଚିକିତ୍ସା ସେବା ପାଇଁ ରେଳବାଇ ଓ କେନ୍ଦୁଝରଗଡ଼ର କୌଣସି ଘରୋଇ ଡାକ୍ତରଖାନା ସହିତ ଅନୁବନ୍ଧିତ କରିବା, କେନ୍ଦୁଝରଗଡ଼ ରେଳ ଇନଷ୍ଟିଚ୍ୟୁଟର ମୋଡିଫିକେସନ ସହିତ ଏସି କରିବା ଓ କେନ୍ଦୁଝରରେ କୋଚିଂ ବେଶ ପ୍ରତିଷ୍ଠା କରିବା ବିଷୟରେ ମଧ୍ୟ ଆଲୋଚନା କରା ଯାଇଥିଲା । ଶେଷରେ ଆଗାମୀ ଡିସେମ୍ବର ଚାରିରୁ ଛଅ ତାରିଖରେ ହେବାକୁ ଥିବା ରେଳବାଇ କର୍ମଚାରୀ ସଂଗଠନର ନିର୍ବାଚନରେ କିପରି ଶ୍ରମିକ ୟୁନିୟନ ବିଜୟ ହାସଲ କରିବ ସେବିଷୟରେ ପୂର୍ଣ ଚର୍ଚ୍ଚା କରା ଯାଇଥିଲା ।
ଏହି କାର୍ଯ୍ୟକ୍ରମରେ ନରଣପୁର ଷ୍ଟେସନ ମାଷ୍ଟର ପ୍ରକାଶ କୁମାର ପଣ୍ଡା, ପି ଡବ୍ଲୁ ଆଇ ସରୋଜ କୁମାର ବେହେରା, ଏମ ଆଇ ଅଶୋକ କୁମାର ବାରିକଙ୍କ ସମେତ କେନ୍ଦୁଝରଗଡ଼ରେ କାର୍ଯ୍ୟରତ ଦୁଇଶହରୁ ଅଧିକ ରେଳ କର୍ମଚାରୀ ଯୋଗ ଦେଇଥିଲେ।
