ଖନ୍ତାପଡ଼ା, ୨୬।୦୫: ସାବିତ୍ରୀ ବ୍ରତ ଭଳି ପବିତ୍ର ଦିନରେ ଜଣେ ସ୍ୱାମୀ ଜୀବନ ହାରିଛନ୍ତି । ଯାହା ସ୍ଥାନୀୟ ଅଞ୍ଚଳରେ ଆଲୋଡ଼ନ ସୃଷ୍ଟି କରିଛି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ପଣପଣା ପଞ୍ଚାୟତ ମାଲଦାପଡ଼ା ଗାଁରେ । ମୃତ ବ୍ୟକ୍ତି ହେଲେ ୪୮ ବର୍ଷୀୟ ପଦ୍ମଲୋଚନ ବେହେରା ।
ପଦ୍ମଲୋଚନ ଘରେ ଥିବା ବେଳେ ପତ୍ନୀ ଜୟନ୍ତୀ ସାବିତ୍ରୀ ପୂଜା କରିବାକୁ ନିକଟସ୍ଥ ମନ୍ଦିରକୁ ଯାଇଥିଲେ । ମନ୍ଦିରରେ ସ୍ୱାମୀଙ୍କ ନାଁରେ ଶଙ୍ଖା, ସିନ୍ଦୁର ପୂଜା ଚାଲିଥିବା ବେଳେ ଏପଟେ ଘରେ ଏଭଳି ଅଭାବନୀୟ ଘଟିଛି । ପଦ୍ମଲୋଚନ ନିଜ ଶୋଇବା ଘରେ ବେକରେ ଏକ ଗାମୁଛା ଲଗାଇ ଜୀବନ ହାରିଥିଲେ । ପରିବାର ଲୋକେ ତାଙ୍କ ପତ୍ନୀଙ୍କୁ ଖବର ଦେବା ସହିତ ଯୁବକଙ୍କୁ ଉଦ୍ଧାର କରି ନିକଟସ୍ଥ ଖନ୍ତାପଡ଼ା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଘଟଣାକୁ ନେଇ ସନ୍ଦେହ ଉପୁଜିଥିବା ବେଳେ ମୃତ୍ୟୁର କାରଣ ଏଯାଏ ଅସ୍ପଷ୍ଟ ରହିଛି । ଖବର ପାଇ ଘଟଣାସ୍ଥଳରେ ଖନ୍ତାପଡ଼ା ପୁଲିସ୍ ପହଞ୍ଚି ତଦନ୍ତ ଜାରି ରଖିଛି ।
